गुलों को चूम कर आई सबा सी लगती थी
थी इक नज़र पे मोअ'त्तर हवा सी लगती थी
मैं ज़ख़्म ज़ख़्म था लेकिन गुलाब हाथों में
बड़ी थी चोट तो लेकिन ज़रा सी लगती थी
वो तुर्श-गो लब-ए-जाँ-बख़्श भी था क्या कहिए
कि तल्ख़ बात भी उस की दवा सी लगती थी
सितम को हुस्न-ए-सितम कर गया वही वर्ना
यही थी ज़िंदगी लेकिन सज़ा सी लगती थी
मिरी तड़प को समझता था इक इबादत वो
मुझे भी उस की मोहब्बत दुआ सी लगती थी
चलो वो आँख में पानी तो दे गया वर्ना
ये साँस अंधे कुएँ में सदा सी लगती थी
guloñ ko chuum kar aa.ī sabā sī lagtī thī
thī ik nazar pe mo.attar havā sī lagtī thī
maiñ zaḳhm zaḳhm thā lekin gulāb hāthoñ meñ
baḌī thī choT to lekin zarā sī lagtī thī
vo tursh-go lab-e-jāñ-baḳhsh bhī thā kyā kahiye
ki talḳh baat bhī us kī davā sī lagtī thī
sitam ko husn-e-sitam kar gayā vahī varna
yahī thī zindagī lekin sazā sī lagtī thī
mirī taḌap ko samajhtā thā ik ibādat vo
mujhe bhī us kī mohabbat duā sī lagtī thī
chalo vo aañkh meñ paanī to de gayā varna
ye saañs andhe kueñ meñ sadā sī lagtī thī
گلوں کو چوم کر آئی صبا سی لگتی تھی
تھی اک نظر پہ معطر ہوا سی لگتی تھی
میں زخم زخم تھا لیکن گلاب ہاتھوں میں
بڑی تھی چوٹ تو لیکن ذرا سی لگتی تھی
وہ ترش گو لب جاں بخش بھی تھا کیا کہئے
کہ تلخ بات بھی اس کی دوا سی لگتی تھی
ستم کو حسن ستم کر گیا وہی ورنہ
یہی تھی زندگی لیکن سزا سی لگتی تھی
مری تڑپ کو سمجھتا تھا اک عبادت وہ
مجھے بھی اس کی محبت دعا سی لگتی تھی
چلو وہ آنکھ میں پانی تو دے گیا ورنہ
یہ سانس اندھے کنویں میں صدا سی لگتی تھی