गुल-अफ़्शानी के दम भरती है चश्म-ए-ख़ूँ-फ़िशाँ क्या क्या
हमारे ज़ेब-ए-दामन है बहार-ए-गुल्सिताँ क्या क्या
कशूद-ए-मतलब-ए-आशिक़ के हैं लब पर गुमाँ क्या क्या
अदा-ए-ख़ामुशी में भर दिया रंग-ए-बयाँ क्या क्या
फ़क़त इक सादगी पर शोख़ियों के हैं गुमाँ क्या क्या
निगाह-ए-शर्मगीं से है निहाँ क्या क्या अयाँ क्या क्या
दिल-ए-ख़ूँ-गश्ता-ए-हसरत ने क्या कुछ गुल खिलाए हैं
बहार-आगीं है कुछ अब की बरस फ़स्ल-ए-ख़िज़ाँ क्या किया
जुनूँ से कम नहीं है कुछ हुजूम-ए-शादमानी भी
हवा-ए-गुल में है जामे से बाहर बाग़बाँ क्या क्या
तसव्वुर में विसाल-ए-यार के सामान होते हैं
हमें भी याद हैं हसरत की बज़्म-आराइयाँ क्या क्या
चली आती है इतराई हुई कुछ कू-ए-जानाँ से
बसी है रश्क की बू में नसीम-ए-बोस्ताँ क्या क्या
क़दम रखते नहीं हैं वो ज़मीं पर बे-नियाज़ी से
बढ़ा जाता है याँ शौक़-ए-सुजूद-ए-आस्ताँ क्या क्या
'ज़हीर'-ए-ख़स्ता-जाँ सच है मोहब्बत कुछ बुरी शय है
मजाज़ी में हक़ीक़ी के हुए हैं इम्तिहाँ क्या क्या
gul-afshānī ke dam bhartī hai chashm-e-ḳhūñ-fishāñ kyā kyā
hamāre zeb-e-dāman hai bahār-e-gulsitāñ kyā kyā
kashūd-e-matlab-e-āshiq ke haiñ lab par gumāñ kyā kyā
adā-e-ḳhāmushī meñ bhar diyā rañg-e-bayāñ kyā kyā
faqat ik sādgī par shoḳhiyoñ ke haiñ gumāñ kyā kyā
nigāh-e-sharmagīñ se hai nihāñ kyā kyā ayaañ kyā kyā
dil-e-ḳhūñ-gashta-e-hasrat ne kyā kuchh gul khilā.e haiñ
bahār-āgīñ hai kuchh ab kī baras fasl-e-ḳhizāñ kyā kiyā
junūñ se kam nahīñ hai kuchh hujūm-e-shādmānī bhī
havā-e-gul meñ hai jaame se bāhar bāġhbāñ kyā kyā
tasavvur meñ visāl-e-yār ke sāmān hote haiñ
hameñ bhī yaad haiñ hasrat kī bazm-ārā.iyāñ kyā kyā
chalī aatī hai itrā.ī huī kuchh kū-e-jānāñ se
basī hai rashk kī bū meñ nasīm-e-bostāñ kyā kyā
qadam rakhte nahīñ haiñ vo zamīñ par be-niyāzī se
baḌhā jaatā hai yaañ shauq-e-sujūd-e-āstāñ kyā kyā
'zahīr'-e-ḳhasta-jāñ sach hai mohabbat kuchh burī shai hai
majāzī meñ haqīqī ke hue haiñ imtihāñ kyā kyā
گل افشانی کے دم بھرتی ہے چشم خوں فشاں کیا کیا
ہمارے زیب دامن ہے بہار گلستاں کیا کیا
کشود مطلب عاشق کے ہیں لب پر گماں کیا کیا
ادائے خامشی میں بھر دیا رنگ بیاں کیا کیا
فقط اک سادگی پر شوخیوں کے ہیں گماں کیا کیا
نگاہ شرمگیں سے ہے نہاں کیا کیا عیاں کیا کیا
دل خوں گشتہ حسرت نے کیا کچھ گل کھلائے ہیں
بہار آگیں ہے کچھ اب کی برس فصل خزاں کیا کیا
جنوں سے کم نہیں ہے کچھ ہجوم شادمانی بھی
ہوائے گل میں ہے جامہ سے باہر باغباں کیا کیا
تصور میں وصال یار کے سامان ہوتے ہیں
ہمیں بھی یاد ہیں حسرت کی بزم آرائیاں کیا کیا
چلی آتی ہے اترائی ہوئی کچھ کوئے جاناں سے
بسی ہے رشک کی بو میں نسیم بوستاں کیا کیا
قدم رکھتے نہیں ہیں وہ زمیں پر بے نیازی سے
بڑھا جاتا ہے یاں شوق سجود آستاں کیا کیا
ظہیرؔ خستہ جاں سچ ہے محبت کچھ بری شے ہے
مجازی میں حقیقی کے ہوئے ہیں امتحاں کیا کیا