गोशे बदल बदल के हर इक रात काट दी
कच्चे मकाँ में अब के भी बरसात काट दी
वो सर भी काट देता तो होता न कुछ मलाल
अफ़्सोस ये है उस ने मिरी बात काट दी
दिल भी लहूलुहान है आँखें भी हैं उदास
शायद अना ने शह-रग-ए-जज़्बात काट दी
जब भी हमें चराग़ मयस्सर न आ सका
सूरज के ज़िक्र से शब-ए-ज़ुल्मात काट दी
जादूगरी का खेल अधूरा ही रह गया
दरवेश ने शबीह-ए-तिलिस्मात काट दी
हालाँकि हम मिले थे बड़ी मुद्दतों के बा'द
औक़ात की कमी ने मुलाक़ात काट दी
ठंडी हवाएँ महकी फ़ज़ा नर्म चाँदनी
शब तो बस एक थी जो तिरे सात काट दी
goshe badal badal ke har ik raat kaaT dī
kachche makāñ meñ ab ke bhī barsāt kaaT dī
vo sar bhī kaaT detā to hotā na kuchh malāl
afsos ye hai us ne mirī baat kaaT dī
dil bhī lahūluhān hai āñkheñ bhī haiñ udaas
shāyad anā ne shah-rag-e-jazbāt kaaT dī
jab bhī hameñ charāġh mayassar na aa sakā
sūraj ke zikr se shab-e-zulmāt kaaT dī
jādūgarī kā khel adhūrā hī rah gayā
darvesh ne shabīh-e-tilismāt kaaT dī
hālāñki ham mile the baḌī muddatoñ ke ba.ad
auqāt kī kamī ne mulāqāt kaaT dī
ThanDī havā.eñ mahkī fazā narm chāñdnī
shab to bas ek thī jo tire saat kaaT dī
گوشے بدل بدل کے ہر اک رات کاٹ دی
کچے مکاں میں اب کے بھی برسات کاٹ دی
وہ سر بھی کاٹ دیتا تو ہوتا نہ کچھ ملال
افسوس یہ ہے اس نے مری بات کاٹ دی
دل بھی لہولہان ہے آنکھیں بھی ہیں اداس
شاید انا نے شہ رگ جذبات کاٹ دی
جب بھی ہمیں چراغ میسر نہ آ سکا
سورج کے ذکر سے شب ظلمات کاٹ دی
جادوگری کا کھیل ادھورا ہی رہ گیا
درویش نے شبیۂ طلسمات کاٹ دی
حالانکہ ہم ملے تھے بڑی مدتوں کے بعد
اوقات کی کمی نے ملاقات کاٹ دی
ٹھنڈی ہوائیں مہکی فضا نرم چاندنی
شب تو بس ایک تھی جو ترے سات کاٹ دی