गो उस की शक्ल अब है कुहन-साल की तरह
भूला नहीं मैं गाँव की चौपाल की तरह
सहरा-ए-हिर्स-ओ-आज़ में कोई तो आएगा
फैलाऊँ अपने आप को मैं जाल की तरह
अन्दर का रस निचोड़ा तो शादाब था बहुत
लगता था यूँ तो सूखी हुई डाल की तरह
मुझ से कहाँ बचेगा कि हर रग में हूँ निहाँ
फैला हूँ तेरे जिस्म में मैं जाल की तरह
कब से है इंतिज़ार कि आए कोई इधर
मैं दश्त में हूँ जादा-ए-पामाल की तरह
go us kī shakl ab hai kuhan-sāl kī tarah
bhūlā nahīñ maiñ gaañv kī chaupāl kī tarah
sahrā-e-hirs-o-āz meñ koī to aa.egā
phailā.ūñ apne aap ko maiñ jaal kī tarah
andar kā ras nichoḌā to shādāb thā bahut
lagtā thā yuuñ to sūkhī huī Daal kī tarah
mujh se kahāñ bachegā ki har rag meñ huuñ nihāñ
phailā huuñ tere jism meñ maiñ jaal kī tarah
kab se hai intizār ki aa.e koī idhar
maiñ dasht meñ huuñ jāda-e-pāmāl kī tarah
گو اس کی شکل اب ہے کہن سال کی طرح
بھولا نہیں میں گاؤں کی چوپال کی طرح
صحرائے حرص و آز میں کوئی تو آئے گا
پھیلاؤں اپنے آپ کو میں جال کی طرح
اندر کا رس نچوڑا تو شاداب تھا بہت
لگتا تھا یوں تو سوکھی ہوئی ڈال کی طرح
مجھ سے کہاں بچے گا کہ ہر رگ میں ہوں نہاں
پھیلا ہوں تیرے جسم میں میں جال کی طرح
کب سے ہے انتظار کہ آئے کوئی ادھر
میں دشت میں ہوں جادۂ پامال کی طرح