घर किसी का भी हो जलता नहीं देखा जाता
हम से चुप रह के तमाशा नहीं देखा जाता
तेरी 'अज़्मत है तू चाहे तो समुंदर दे दे
माँगने वाले का कासा नहीं देखा जाता
जब से सहरा का सफ़र काट के घर लौटा हूँ
तब से कोई भी हो प्यासा नहीं देखा जाता
ये 'इबादत है 'इबादत में सियासत कैसी
इस में का'बा या कलीसा नहीं देखा जाता
मेरे लहजे पे न जा क़ौल का मफ़्हूम समझ
बात सच्ची हो तो लहजा नहीं देखा जाता
'अक्स उभरेगा 'नफ़स' गर्द हटा दे पहले
धुँदले आईने में चेहरा नहीं देखा जाता
ghar kisī kā bhī ho jaltā nahīñ dekhā jaatā
ham se chup rah ke tamāsha nahīñ dekhā jaatā
terī 'azmat hai tū chāhe to samundar de de
māñgne vaale kā kaasa nahīñ dekhā jaatā
jab se sahrā kā safar kaaT ke ghar lauTā huuñ
tab se koī bhī ho pyāsā nahīñ dekhā jaatā
ye 'ibādat hai 'ibādat meñ siyāsat kaisī
is meñ kā'ba yā kalīsā nahīñ dekhā jaatā
mere lahje pe na jā qaul kā mafhūm samajh
baat sachchī ho to lahja nahīñ dekhā jaatā
'aks ubhregā 'nafas' gard haTā de pahle
dhundle aa.ine meñ chehra nahīñ dekhā jaatā
گھر کسی کا بھی ہو جلتا نہیں دیکھا جاتا
ہم سے چپ رہ کے تماشہ نہیں دیکھا جاتا
تیری عظمت ہے تو چاہے تو سمندر دے دے
مانگنے والے کا کاسہ نہیں دیکھا جاتا
جب سے صحرا کا سفر کاٹ کے گھر لوٹا ہوں
تب سے کوئی بھی ہو پیاسا نہیں دیکھا جاتا
یہ عبادت ہے عبادت میں سیاست کیسی
اس میں کعبہ یا کلیسا نہیں دیکھا جاتا
میرے لہجہ پہ نہ جا قول کا مفہوم سمجھ
بات سچی ہو تو لہجہ نہیں دیکھا جاتا
عکس ابھرے گا نفسؔ گرد ہٹا دے پہلے
دھندلے آئینے میں چہرہ نہیں دیکھا جاتا