ग़ज़ब की काट थी अब के हवा के तानों में
शिगाफ़ पड़ गए हैं बे-ज़बाँ चटानों में
हमारे होंट ही पत्थर के हैं वगरना मियाँ
हम एक आग लिए फिरते हैं दहानों में
बगूला बन के उठा तो मैं था ख़राबे से
बपा हुआ न कोई हश्र आसमानों में
सियाह शहर की क़िस्मत में मेरा फ़ैज़ कहाँ
चराग़-ए-नज़्र हूँ जलता हूँ आस्तानों में
टपक पड़ा हूँ बिल-आख़िर मैं अपनी आँखों से
छुपा रखा था मुझे तुम ने किन ख़ज़ानों में
सुकूत को न कभी कर सदा से आलूदा
कि ये ज़बाँ है मुक़द्दस-तरीं ज़बानों में
सुख़न-शनास फ़सीलों का है सुकूत ग़ज़ब
सुख़न-तराज़ हैं ज़ंजीरें क़ैद-ख़ानों में
ġhazab kī kaaT thī ab ke havā ke tānoñ meñ
shigāf paḌ ga.e haiñ be-zabāñ chaTānoñ meñ
hamāre hoñT hī patthar ke haiñ vagarna miyāñ
ham ek aag liye phirte haiñ dahānoñ meñ
bagūla ban ke uThā to maiñ thā ḳharābe se
bapā huā na koī hashr āsmānoñ meñ
siyāh shahr kī qismat meñ merā faiz kahāñ
charāġh-e-nazr huuñ jaltā huuñ āstānoñ meñ
Tapak paḌā huuñ bil-āḳhir maiñ apnī āñkhoñ se
chhupā rakhā thā mujhe tum ne kin ḳhazānoñ meñ
sukūt ko na kabhī kar sadā se ālūda
ki ye zabāñ hai muqaddas-tarīñ zabānoñ meñ
suḳhan-shanās fasīloñ kā hai sukūt ġhazab
suḳhan-tarāz haiñ zanjīreñ qaid-ḳhānoñ meñ
غضب کی کاٹ تھی اب کے ہوا کے طعنوں میں
شگاف پڑ گئے ہیں بے زباں چٹانوں میں
ہمارے ہونٹ ہی پتھر کے ہیں وگرنہ میاں
ہم ایک آگ لیے پھرتے ہیں دہانوں میں
بگولہ بن کے اٹھا تو میں تھا خرابے سے
بپا ہوا نہ کوئی حشر آسمانوں میں
سیاہ شہر کی قسمت میں میرا فیض کہاں
چراغ نذر ہوں جلتا ہوں آستانوں میں
ٹپک پڑا ہوں بالآخر میں اپنی آنکھوں سے
چھپا رکھا تھا مجھے تم نے کن خزانوں میں
سکوت کو نہ کبھی کر صدا سے آلودہ
کہ یہ زباں ہے مقدس تریں زبانوں میں
سخن شناس فصیلوں کا ہے سکوت غضب
سخن طراز ہیں زنجیریں قید خانوں میں