गर्द-ओ-ग़ुबार यूँ बढ़ा चेहरा बिखर गया
मल्बूस था मैं जिस में लबादा बिखर गया
कल रात जुगनुओं की समुंदर पे भीड़ थी
लगता था रौशनी का जज़ीरा बिखर गया
दहशत थी इस क़दर कि मनाज़िर पिघल गए
गिर कर बदन से ख़ुद मिरा साया बिखर गया
मंज़र में और नज़र में तसादुम था रात भर
जब भी उठी निगाहें दरीचा बिखर गया
जाँ से ज़ियादा रक्खा जिसे एहतियात से
विर्से में जो मिला था वो तोहफ़ा बिखर गया
तूफ़ान-ए-याद-ए-रफ़्तगाँ इतना शदीद था
अश्कों से मेरी आँख का तारा बिखर गया
gard-o-ġhubār yuuñ baḌhā chehra bikhar gayā
malbūs thā maiñ jis meñ labāda bikhar gayā
kal raat jugnuoñ kī samundar pe bhiiḌ thī
lagtā thā raushnī kā jazīra bikhar gayā
dahshat thī is qadar ki manāzir pighal ga.e
gir kar badan se ḳhud mirā saaya bikhar gayā
manzar meñ aur nazar meñ tasādum thā raat bhar
jab bhī uThī nigāheñ darīcha bikhar gayā
jaañ se ziyāda rakkhā jise ehtiyāt se
virse meñ jo milā thā vo tohfa bikhar gayā
tūfān-e-yād-e-raftagāñ itnā shadīd thā
ashkoñ se merī aañkh kā taarā bikhar gayā
گرد و غبار یوں بڑھا چہرہ بکھر گیا
ملبوس تھا میں جس میں لبادہ بکھر گیا
کل رات جگنوؤں کی سمندر پہ بھیڑ تھی
لگتا تھا روشنی کا جزیرہ بکھر گیا
دہشت تھی اس قدر کہ مناظر پگھل گئے
گر کر بدن سے خود مرا سایہ بکھر گیا
منظر میں اور نظر میں تصادم تھا رات بھر
جب بھی اٹھی نگاہیں دریچہ بکھر گیا
جاں سے زیادہ رکھا جسے احتیاط سے
ورثے میں جو ملا تھا وہ تحفہ بکھر گیا
طوفان یاد رفتگاں اتنا شدید تھا
اشکوں سے میری آنکھ کا تارا بکھر گیا