गर सुब्ह-दम वो ख़ुश-गुलू ख़ुश-ख़ू निकल पड़े
फूलों को छोड़ छाड़ के ख़ुशबू निकल पड़े
तेरी गली हो लोग हों घुंघरू पहन के मैं
एड़ी घुमा के रक़्स करूँ तू निकल पड़े
उस ने किसी ग़ज़ल में सहारे की बात की
चारों तरफ़ से कितने ही बाज़ू निकल पड़े
हम बादा-ख़्वार अहल-ए-सुबू सुख का साँस लें
वाइज़ की जेब से कहीं दारू निकल पड़े
ख़्वाहिश है मैं ख़रीद लूँ 'ग़ालिब' का ख़स्ता घर
और मो'जिज़ा हो सहन से उर्दू निकल पड़े
उस गुल-बदन ने शाख़ को देखा जो प्यार से
पत्तों पे आँखें बन गईं अबरू निकल पड़े
'दानिश' बक़ा-ए-इश्क़ का मंशूर थाम कर
वारिस निकल पड़े कभी बाहू निकल पड़े
gar sub.h-dam vo ḳhush-gulū ḳhush-ḳhū nikal paḌe
phūloñ ko chhoḌ chhāḌ ke ḳhushbū nikal paḌe
terī galī ho log hoñ ghuñghrū pahan ke maiñ
eḌī ghumā ke raqs karūñ tū nikal paḌe
us ne kisī ġhazal meñ sahāre kī baat kī
chāroñ taraf se kitne hī baazū nikal paḌe
ham bāda-ḳhvār ahl-e-subū sukh kā saañs leñ
vaa.iz kī jeb se kahīñ daarū nikal paḌe
ḳhvāhish hai maiñ ḳharīd luuñ 'ġhālib' kā ḳhasta ghar
aur mo.ajiza ho sahn se urdu nikal paḌe
us gul-badan ne shāḳh ko dekhā jo pyaar se
pattoñ pe āñkheñ ban ga.iiñ abrū nikal paḌe
'dānish' baqā-e-ishq kā manshūr thaam kar
vāris nikal paḌe kabhī baahū nikal paḌe
گر صبح دم وہ خوش گلو خوش خو نکل پڑے
پھولوں کو چھوڑ چھاڑ کے خوشبو نکل پڑے
تیری گلی ہو لوگ ہوں گھنگھرو پہن کے میں
ایڑی گھما کے رقص کروں تو نکل پڑے
اس نے کسی غزل میں سہارے کی بات کی
چاروں طرف سے کتنے ہی بازو نکل پڑے
ہم بادہ خوار اہل سبو سکھ کا سانس لیں
واعظ کی جیب سے کہیں دارو نکل پڑے
خواہش ہے میں خرید لوں غالبؔ کا خستہ گھر
اور معجزہ ہو صحن سے اردو نکل پڑے
اس گل بدن نے شاخ کو دیکھا جو پیار سے
پتوں پہ آنکھیں بن گئیں ابرو نکل پڑے
دانشؔ بقائے عشق کا منشور تھام کر
وارث نکل پڑے ,کبھی باہو نکل پڑے