बिखरा पड़ा था जा-ब-जा कचरा वजूद का
हम छोड़ आए उस गली मलबा वजूद का
हर रोज़ माँग माँग के लेता हूँ साँस भी
बढ़ता ही जा रहा है ये क़र्ज़ा वजूद का
कितनी शिकस्त-ओ-रेख़्त हुई कुछ नहीं पता
मुझ को मिला नहीं अभी क़ब्ज़ा वजूद का
ताज़ा हवा न रौशनी ना बाम-ओ-दर न छत
मुझ को समझ न आ सका नक़्शा वजूद का
इक उम्र हो गई उसे ख़ाली पड़े हुए
बिगड़ा हुआ है इस लिए हुलिया वजूद का
कुछ कड़वे घूँट चाहिएँ हर रात उस को अब
यूँ और बढ़ गया है ये ख़र्चा वजूद का
मेरे सबब ये ख़ाल-ओ-ख़द उस के बिगड़ गए
सुनता हूँ सुब्ह शाम ये ता'ना वजूद का
तुम ही बताओ कैसे चला उस का सिलसिला
मुझ को तो मिल सका नहीं शजरा वजूद का
इक शे'र-फ़हम शख़्स की ख़्वाहिश पे दोस्तो
लो हम ने लिख दिया है ये नौहा वजूद का
जूँ जूँ मैं सोचता हूँ तख़य्युल में उस का लम्स
कुछ और बढ़ता जाता है नश्शा वजूद का
मेरी तो एक बात भी सुनता नहीं ये दिल
हाथों में अब नहीं रहा बच्चा वजूद का
'दानिश' मैं तंग आ गया इस बद-मिज़ाज से
सँभले नहीं सँभलता है ग़ुस्सा वजूद का
bikhrā paḌā thā jā-ba-jā kachrā vajūd kā
ham chhoḌ aa.e us galī malba vajūd kā
har roz maañg maañg ke letā huuñ saañs bhī
baḌhtā hī jā rahā hai ye qarza vajūd kā
kitnī shikast-o-reḳht huī kuchh nahīñ patā
mujh ko milā nahīñ abhī qabza vajūd kā
taaza havā na raushnī nā bām-o-dar na chhat
mujh ko samajh na aa sakā naqsha vajūd kā
ik umr ho ga.ī use ḳhālī paḌe hue
bigḌā huā hai is liye huliya vajūd kā
kuchh kaḌve ghūñT chāhiyeñ har raat us ko ab
yuuñ aur baḌh gayā hai ye ḳharcha vajūd kā
mere sabab ye ḳhāl-o-ḳhad us ke bigaḌ ga.e
suntā huuñ sub.h shaam ye ta.ana vajūd kā
tum hī batāo kaise chalā us kā silsila
mujh ko to mil sakā nahīñ shajara vajūd kā
ik sher-fahm shaḳhs kī ḳhvāhish pe dosto
lo ham ne likh diyā hai ye nauha vajūd kā
juuñ juuñ maiñ sochtā huuñ taḳhayyul meñ us kā lams
kuchh aur baḌhtā jaatā hai nashsha vajūd kā
merī to ek baat bhī suntā nahīñ ye dil
hāthoñ meñ ab nahīñ rahā bachcha vajūd kā
'dānish' maiñ tang aa gayā is bad-mizāj se
sañbhle nahīñ sañbhaltā hai ġhussa vajūd kā
بکھرا پڑا تھا جا بجا کچرا وجود کا
ہم چھوڑ آئے اس گلی ملبہ وجود کا
ہر روز مانگ مانگ کے لیتا ہوں سانس بھی
بڑھتا ہی جا رہا ہے یہ قرضہ وجود کا
کتنی شکست و ریخت ہوئی کچھ نہیں پتا
مجھ کو ملا نہیں ابھی قبضہ وجود کا
تازہ ہوا نہ روشنی نا بام و در نہ چھت
مجھ کو سمجھ نہ آ سکا نقشہ وجود کا
اک عمر ہو گئی اسے خالی پڑے ہوئے
بگڑا ہوا ہے اس لیے حلیہ وجود کا
کچھ کڑوے گھونٹ چاہئیں ہر رات اس کو اب
یوں اور بڑھ گیا ہے یہ خرچہ وجود کا
میرے سبب یہ خال و خد اس کے بگڑ گئے
سنتا ہوں صبح شام یہ طعنہ وجود کا
تم ہی بتاؤ کیسے چلا اس کا سلسلہ
مجھ کو تو مل سکا نہیں شجرہ وجود کا
اک شعر فہم شخص کی خواہش پہ دوستو
لو ہم نے لکھ دیا ہے یہ نوحہ وجود کا
جوں جوں میں سوچتا ہوں تخیل میں اس کا لمس
کچھ اور بڑھتا جاتا ہے نشہ وجود کا
میری تو ایک بات بھی سنتا نہیں یہ دل
ہاتھوں میں اب نہیں رہا بچہ وجود کا
دانشؔ میں تنگ آ گیا اس بد مزاج سے
سنبھلے نہیں سنبھلتا ہے غصہ وجود کا