अगरचे उस ने लिखा हुआ है जहान-ए-फ़ानी में मार देना
मकान वाले से इल्तिजा है कि ला-मकानी में मार देना
मिरे अज़ीज़ो मैं जा रहा हूँ मिरी वसिय्यत को याद रखना
जो मुझ सा कोई भी एक देखो उसे जवानी में मार देना
मुझे है मालूम ऐ मुसन्निफ़ कि मेरा किरदार सानवी है
जहाँ इज़ाफ़ी लगे तुम्हें ये मुझे कहानी में मार देना
मैं जानता हूँ कि ज़ोफ़-ए-पीरी तो छीन लेता है बोलना भी
ज़बाँ में लुक्नत से पेशतर ही मुझे रवानी में मार देना
उन्हें बुढ़ापे में छोड़ना मत नहीफ़ ख़्वाबों को तोड़ना मत
ज़ईफ़ माँ बाप को न तुम उन की ज़िंदगानी में मार देना
मुझे तुम्हारे सितम की निस्बत करम तुम्हारा अज़ीज़-तर है
सो दश्त-ए-ग़म से बचा के सहरा-ए-मेहरबानी में मार देना
अगर ये डर है कि आस्तीं पर मिरे लहू के निशान होंगे
तुम्हें सुहूलत मैं दे रहा हूँ कि मुझ को पानी में मार देना
सभी मोहब्बत की बात करते हैं मैं मोहब्बत निभा रहा हूँ
सो मारना हो तो अपने 'दानिश' को जुर्म-ए-सानी में मार देना
agarche us ne likhā huā hai jahān-e-fānī meñ maar denā
makān vaale se iltijā hai ki lā-makānī meñ maar denā
mire azīzo maiñ jā rahā huuñ mirī vasiyyat ko yaad rakhnā
jo mujh sā koī bhī ek dekho use javānī meñ maar denā
mujhe hai ma.alūm ai musannif ki merā kirdār sānvī hai
jahāñ izāfī lage tumheñ ye mujhe kahānī meñ maar denā
maiñ jāntā huuñ ki zo.af-e-pīrī to chhīn letā hai bolnā bhī
zabāñ meñ luknat se peshtar hī mujhe ravānī meñ maar denā
unheñ buḌhāpe meñ chhoḌnā mat nahīf ḳhvāboñ ko toḌnā mat
za.iif maañ baap ko na tum un kī zindagānī meñ maar denā
mujhe tumhāre sitam kī nisbat karam tumhārā azīz-tar hai
so dasht-e-ġham se bachā ke sahrā-e-mehrbānī meñ maar denā
agar ye Dar hai ki āstīñ par mire lahū ke nishān hoñge
tumheñ suhūlat maiñ de rahā huuñ ki mujh ko paanī meñ maar denā
sabhī mohabbat kī baat karte haiñ maiñ mohabbat nibhā rahā huuñ
so mārnā ho to apne 'dānish' ko jurm-e-sānī meñ maar denā
اگرچہ اس نے لکھا ہوا ہے جہان فانی میں مار دینا
مکان والے سے التجا ہے کہ لا مکانی میں مار دینا
مرے عزیزو میں جا رہا ہوں مری وصیت کو یاد رکھنا
جو مجھ سا کوئی بھی ایک دیکھو اسے جوانی میں مار دینا
مجھے ہے معلوم اے مصنف کہ میرا کردار ثانوی ہے
جہاں اضافی لگے تمہیں یہ مجھے کہانی میں مار دینا
میں جانتا ہوں کہ ضعف پیری تو چھین لیتا ہے بولنا بھی
زباں میں لکنت سے پیشتر ہی مجھے روانی میں مار دینا
انہیں بڑھاپے میں چھوڑنا مت نحیف خوابوں کو توڑنا مت
ضعیف ماں باپ کو نہ تم ان کی زندگانی میں مار دینا
مجھے تمہارے ستم کی نسبت کرم تمہارا عزیز تر ہے
سو دشت غم سے بچا کے صحرائے مہربانی میں مار دینا
اگر یہ ڈر ہے کہ آستیں پر مرے لہو کے نشان ہوں گے
تمہیں سہولت میں دے رہا ہوں کہ مجھ کو پانی میں مار دینا
سبھی محبت کی بات کرتے ہیں میں محبت نبھا رہا ہوں
سو مارنا ہو تو اپنے دانشؔ کو جرم ثانی میں مار دینا