फ़रेब-रंग न दे जल्वा-ए-बहार मुझे
अज़ीज़-तर हैं चमन में गुलों से ख़ार मुझे
मिरी ख़ताओं पे ये बाज़-पुर्स मालिक-ए-हश्र
अता हुआ था कभी दिल पे इख़्तियार मुझे
ये उन की याद ये तूफ़ान-ए-रंग-ओ-बू तौबा
मिली तो दर्द में डूबी हुई बहार मुझे
अब उस मक़ाम पे मंज़िल है दर्द-ए-पैहम की
कि हर तड़प में मिली लज़्ज़त-ए-क़रार मुझे
चमन में रह के ये महरूमियाँ मुक़द्दर की
कि मैं बहार को देखा करूँ बहार मुझे
ख़ुदा कभी न दिखाए वो रोज़-ए-बद 'क़ैसर'
कि आए जल्वा-ए-बातिल का ए'तिबार मुझे
fareb-rañg na de jalva-e-bahār mujhe
azīz-tar haiñ chaman meñ guloñ se ḳhaar mujhe
mirī ḳhatāoñ pe ye bāz-purs mālik-e-hashr
atā huā thā kabhī dil pe iḳhtiyār mujhe
ye un kī yaad ye tūfān-e-rañg-o-bū tauba
milī to dard meñ Duubī huī bahār mujhe
ab us maqām pe manzil hai dard-e-paiham kī
ki har taḌap meñ milī lazzat-e-qarār mujhe
chaman meñ rah ke ye mahrūmiyāñ muqaddar kī
ki maiñ bahār ko dekhā karūñ bahār mujhe
ḳhudā kabhī na dikhā.e vo roz-e-bad 'qaisar'
ki aa.e jalva-e-bātil kā e.atibār mujhe
فریب رنگ نہ دے جلوۂ بہار مجھے
عزیز تر ہیں چمن میں گلوں سے خار مجھے
مری خطاؤں پہ یہ باز پرس مالک حشر
عطا ہوا تھا کبھی دل پہ اختیار مجھے
یہ ان کی یاد یہ طوفان رنگ و بو توبہ
ملی تو درد میں ڈوبی ہوئی بہار مجھے
اب اس مقام پہ منزل ہے درد پیہم کی
کہ ہر تڑپ میں ملی لذت قرار مجھے
چمن میں رہ کے یہ محرومیاں مقدر کی
کہ میں بہار کو دیکھا کروں بہار مجھے
خدا کبھی نہ دکھائے وہ روز بد قیصرؔ
کہ آئے جلوۂ باطل کا اعتبار مجھے