आरज़ूएँ जल गईं शौक़-ए-फ़रावाँ जल गया
बुझ गया दिल ज़िंदगी का साज़-ओ-सामाँ जल गया
मौसम-ए-गुल था कि थी बर्क़-ए-ख़िज़ाँ ज़ेर-ए-नक़ाब
फूल हँसने भी न पाए थे गुलिस्ताँ जल गया
शौक़-ए-मंज़िल में जुनूँ की गर्म-रफ़्तारी न पूछ
राह के काँटों की क्या हस्ती बयाबाँ जल गया
झूम कर सू-ए-चमन आया तो क्या बरसा तो क्या
आशियाँ तो कब का ऐ अब्र-ए-बहाराँ जल गया
हश्र के दिन रहमत-ए-हक़ ने लिया आग़ोश में
ज़ौक़-ए-इस्याँ पर मिरे ज़ाहिद का ईमाँ जल गया
देख 'क़ैसर' ये है गुलशन में मआल-ए-फ़स्ल-ए-गुल
ग़ुंचे ग़ुंचे का गुलिस्ताँ में गरेबाँ जल गया
ārzūeñ jal ga.iiñ shauq-e-farāvāñ jal gayā
bujh gayā dil zindagī kā sāz-o-sāmāñ jal gayā
mausam-e-gul thā ki thī barq-e-ḳhizāñ zer-e-naqāb
phuul hañsne bhī na paa.e the gulistāñ jal gayā
shauq-e-manzil meñ junūñ kī garm-raftārī na pūchh
raah ke kāñToñ kī kyā hastī bayābāñ jal gayā
jhuum kar sū-e-chaman aayā to kyā barsā to kyā
āshiyāñ to kab kā ai abr-e-bahārāñ jal gayā
hashr ke din rahmat-e-haq ne liyā āġhosh meñ
zauq-e-isyāñ par mire zāhid kā īmāñ jal gayā
dekh 'qaisar' ye hai gulshan meñ ma.āl-e-fasl-e-gul
ġhunche ġhunche kā gulistāñ meñ garebāñ jal gayā
آرزوئیں جل گئیں شوق فراواں جل گیا
بجھ گیا دل زندگی کا ساز و ساماں جل گیا
موسم گل تھا کہ تھی برق خزاں زیر نقاب
پھول ہنسنے بھی نہ پائے تھے گلستاں جل گیا
شوق منزل میں جنوں کی گرم رفتاری نہ پوچھ
راہ کے کانٹوں کی کیا ہستی بیاباں جل گیا
جھوم کر سوئے چمن آیا تو کیا برسا تو کیا
آشیاں تو کب کا اے ابر بہاراں جل گیا
حشر کے دن رحمت حق نے لیا آغوش میں
ذوق عصیاں پر مرے زاہد کا ایماں جل گیا
دیکھ قیصرؔ یہ ہے گلشن میں مآل فصل گل
غنچے غنچے کا گلستاں میں گریباں جل گیا