ब-रंग-ए-निकहत-ए-गुल है चमन में आशियाँ अपना
किसी के राज़दाँ हम हैं न कोई राज़-दाँ अपना
चले तो जा रहे हैं क्या बताएँ कल कहाँ होंगे
ख़ुदा मा'लूम किस मंज़िल पे ठहरे कारवाँ अपना
यही अच्छा हुआ महफ़िल में तेरी चुप रहे वर्ना
ग़म-ए-दिल की कहानी और फिर तर्ज़-ए-बयाँ अपना
सुपुर्द-ए-इश्क़ हम तो कर चुके सर्माया-ए-हस्ती
जो अहल-ए-होश हैं सोचा करें सूद-ओ-ज़ियाँ अपना
हुआ ही चाहती है शाम भी अब सुब्ह पीरी की
मगर अब तक तो है पहलू में 'क़ैसर' दिल जवाँ अपना
ba-rañg-e-nik.hat-e-gul hai chaman meñ āshiyāñ apnā
kisī ke rāzdāñ ham haiñ na koī rāz-dāñ apnā
chale to jā rahe haiñ kyā batā.eñ kal kahāñ hoñge
ḳhudā ma.alūm kis manzil pe Thahre kārvāñ apnā
yahī achchhā huā mahfil meñ terī chup rahe varna
ġham-e-dil kī kahānī aur phir tarz-e-bayāñ apnā
supurd-e-ishq ham to kar chuke sarmāya-e-hastī
jo ahl-e-hosh haiñ sochā kareñ sūd-o-ziyāñ apnā
huā hī chāhtī hai shaam bhī ab sub.h piirī kī
magar ab tak to hai pahlū meñ 'qaisar' dil javāñ apnā
برنگ نکہت گل ہے چمن میں آشیاں اپنا
کسی کے راز داں ہم ہیں نہ کوئی رازداں اپنا
چلے تو جا رہے ہیں کیا بتائیں کل کہاں ہوں گے
خدا معلوم کس منزل پہ ٹھہرے کارواں اپنا
یہی اچھا ہوا محفل میں تیری چپ رہے ورنہ
غم دل کی کہانی اور پھر طرز بیاں اپنا
سپرد عشق ہم تو کر چکے سرمایۂ ہستی
جو اہل ہوش ہیں سوچا کریں سود و زیاں اپنا
ہوا ہی چاہتی ہے شام بھی اب صبح پیری کی
مگر اب تک تو ہے پہلو میں قیصرؔ دل جواں اپنا