फ़लक पर जलता बुझता इक सितारा था वो मैं था
उमीद-ओ-यास का जो शख़्स मारा था वो मैं था
हमेशा जीत कर तुम से जो हारा था वो मैं था
वफ़ा का जिस के हिस्से में ख़सारा था वो मैं था
अना के शहर में जश्न-ए-बुलंदी था वो तुम थे
वहीं इक सम्त मातम का नज़ारा था वो मैं था
मुझे अब यूँ न देखो मैं अमानत हूँ किसी की
मोहब्बत के दिनों में जो तुम्हारा था वो मैं था
ख़ुशी में जो तिरे हमराह था वो था ज़माना
ग़मों के दौर में जिस का सहारा था वो मैं था
वो कोई और था तुम बढ़ रहे थे जिस की जानिब
वो जिस ने रो के पीछे से पुकारा था वो मैं था
चला था जब वो मेले में पकड़ कर हाथ मेरा
फ़ज़ा में सब से ऊँचा जो ग़ुबारा था वो मैं था
जवानी में बहारों पर तिरा क़ब्ज़ा था 'अख़लाक़'
मगर दिल पर तिरे जिस का इजारा था वो मैं था
falak par jaltā bujhtā ik sitāra thā vo maiñ thā
umīd-o-yās kā jo shaḳhs maarā thā vo maiñ thā
hamesha jiit kar tum se jo haarā thā vo maiñ thā
vafā kā jis ke hisse meñ ḳhasāra thā vo maiñ thā
anā ke shahr meñ jashn-e-bulandī thā vo tum the
vahīñ ik samt mātam kā nazāra thā vo maiñ thā
mujhe ab yuuñ na dekho maiñ amānat huuñ kisī kī
mohabbat ke dinoñ meñ jo tumhārā thā vo maiñ thā
ḳhushī meñ jo tire hamrāh thā vo thā zamāna
ġhamoñ ke daur meñ jis kā sahārā thā vo maiñ thā
vo koī aur thā tum baḌh rahe the jis kī jānib
vo jis ne ro ke pīchhe se pukārā thā vo maiñ thā
chalā thā jab vo mele meñ pakaḌ kar haath merā
fazā meñ sab se ūñchā jo ġhubāra thā vo maiñ thā
javānī meñ bahāroñ par tirā qabza thā 'aḳhlāq'
magar dil par tire jis kā ijāra thā vo maiñ thā
فلک پر جلتا بجھتا اک ستارہ تھا وہ میں تھا
امید و یاس کا جو شخص مارا تھا وہ میں تھا
ہمیشہ جیت کر تم سے جو ہارا تھا وہ میں تھا
وفا کا جس کے حصے میں خسارہ تھا وہ میں تھا
انا کے شہر میں جشن بلندی تھا وہ تم تھے
وہیں اک سمت ماتم کا نظارہ تھا وہ میں تھا
مجھے اب یوں نہ دیکھو میں امانت ہوں کسی کی
محبت کے دنوں میں جو تمہارا تھا وہ میں تھا
خوشی میں جو ترے ہم راہ تھا وہ تھا زمانہ
غموں کے دور میں جس کا سہارا تھا وہ میں تھا
وہ کوئی اور تھا تم بڑھ رہے تھے جس کی جانب
وہ جس نے رو کے پیچھے سے پکارا تھا وہ میں تھا
چلا تھا جب وہ میلے میں پکڑ کر ہاتھ میرا
فضا میں سب سے اونچا جو غبارہ تھا وہ میں تھا
جوانی میں بہاروں پر ترا قبضہ تھا اخلاقؔ
مگر دل پر ترے جس کا اجارہ تھا وہ میں تھا