बना है शहर में जिस का मकान शीशे का
वो चाहता है बने आसमान शीशे का
ये चंद हाथ ये पत्थर मिटा न पाएँगे
बहुत बड़ा है यहाँ ख़ानदान शीशे का
मैं तेज़ धूप से ख़ुद को बचाने पहुँचा था
नसीब देखो मिला साएबान शीशे का
हसीन चाँद से चेहरे को रू-ब-रू रख कर
वो आज तोड़ गया है गुमान शीशे का
मिरे क़बीले का सरदार जब हुआ अंधा
मिटा क़बीले से हर इक निशान शीशे का
करोड़ों लोगों के सर पर नहीं है छत लेकिन
बना रहा है वो हिन्दोस्तान शीशे का
हुज़ूर आप ने काग़ज़ के फूल रक्खे हैं
कहाँ से लाए महक फूल-दान शीशे का
सदाक़तों की शहादत के नाम पर 'अख़लाक़'
क़दम-क़दम पे हुआ इम्तिहान शीशे का
banā hai shahr meñ jis kā makān shīshe kā
vo chāhtā hai bane āsmān shīshe kā
ye chand haath ye patthar miTā na pā.eñge
bahut baḌā hai yahāñ ḳhāndān shīshe kā
maiñ tez dhuup se ḳhud ko bachāne pahuñchā thā
nasīb dekho milā sā.ebān shīshe kā
hasīn chāñd se chehre ko rū-ba-rū rakh kar
vo aaj toḌ gayā hai gumān shīshe kā
mire qabīle kā sardār jab huā andhā
miTā qabīle se har ik nishān shīshe kā
karoḌoñ logoñ ke sar par nahīñ hai chhat lekin
banā rahā hai vo hindostān shīshe kā
huzūr aap ne kāġhaz ke phuul rakkhe haiñ
kahāñ se laa.e mahak phūl-dān shīshe kā
sadāqatoñ kī shahādat ke naam par 'aḳhlāq'
qadam-qadam pe huā imtihān shīshe kā
بنا ہے شہر میں جس کا مکان شیشے کا
وہ چاہتا ہے بنے آسمان شیشے کا
یہ چند ہاتھ یہ پتھر مٹا نہ پائیں گے
بہت بڑا ہے یہاں خاندان شیشے کا
میں تیز دھوپ سے خود کو بچانے پہنچا تھا
نصیب دیکھو ملا سائبان شیشے کا
حسین چاند سے چہرے کو رو برو رکھ کر
وہ آج توڑ گیا ہے گمان شیشے کا
مرے قبیلے کا سردار جب ہوا اندھا
مٹا قبیلے سے ہر اک نشان شیشے کا
کروڑوں لوگوں کے سر پر نہیں ہے چھت لیکن
بنا رہا ہے وہ ہندوستان شیشے کا
حضور آپ نے کاغذ کے پھول رکھے ہیں
کہاں سے لائے مہک پھول دان شیشے کا
صداقتوں کی شہادت کے نام پر اخلاقؔ
قدم قدم پہ ہوا امتحان شیشے کا