फ़ानी कहाँ है हस्ती-ए-फ़ानी का शोर भी
शामिल है इस में नक़्ल-ए-मकानी का शोर भी
हस्सास हूँ और इस पे वो शिद्दत की प्यास है
सुनता हूँ अब सराब में पानी का शोर भी
ऐसा सुकूत था कि सुनाई दिया मुझे
हर्फ़-ए-तही में मौज-ए-मआनी का शोर भी
बे-बर्ग-ओ-बार पेड़ से रहते हैं दूर दूर
रह-गीर भी हवा-ए-ख़िज़ानी का शोर भी
ख़ाकिस्तर-ए-बदन में सुलगती है कोई चीज़
बुझता नहीं अभी ये जवानी का शोर भी
तेरी ग़ज़ल पढ़ी तो ये जाना 'रफ़ीक़'-राज़
पानी के शोर में है रवानी का शोर भी
faanī kahāñ hai hasti-e-fānī kā shor bhī
shāmil hai is meñ naql-e-makānī kā shor bhī
hassās huuñ aur is pe vo shiddat kī pyaas hai
suntā huuñ ab sarāb meñ paanī kā shor bhī
aisā sukūt thā ki sunā.ī diyā mujhe
harf-e-tahī meñ mauj-e-ma.ānī kā shor bhī
be-barg-o-bār peḌ se rahte haiñ duur duur
rah-gīr bhī havā-e-ḳhizānī kā shor bhī
ḳhākistar-e-badan meñ sulagtī hai koī chiiz
bujhtā nahīñ abhī ye javānī kā shor bhī
terī ġhazal paḌhī to ye jaanā 'rafīq'-rāz
paanī ke shor meñ hai ravānī kā shor bhī
فانی کہاں ہے ہستئ فانی کا شور بھی
شامل ہے اس میں نقل مکانی کا شور بھی
حساس ہوں اور اس پہ وہ شدت کی پیاس ہے
سنتا ہوں اب سراب میں پانی کا شور بھی
ایسا سکوت تھا کہ سنائی دیا مجھے
حرف تہی میں موج معانی کا شور بھی
بے برگ و بار پیڑ سے رہتے ہیں دور دور
رہگیر بھی ہوائے خزانی کا شور بھی
خاکستر بدن میں سلگتی ہے کوئی چیز
بجھتا نہیں ابھی یہ جوانی کا شور بھی
تیری غزل پڑھی تو یہ جانا رفیقؔ راز
پانی کے شور میں ہے روانی کا شور بھی