दिल-ए-बे-मुद्दआ है और मैं हूँ
मगर लब पर दुआ है और मैं हूँ
न साक़ी है न अब वो शय है बाक़ी
मिरा दौर आ गया है और मैं हूँ
उधर दुनिया है और दुनिया के बंदे
इधर मेरा ख़ुदा है और मैं हूँ
कोई पुरसाँ नहीं पीर-ए-मुग़ाँ का
फ़क़त मेरी वफ़ा है और मैं हूँ
अभी मीआद बाक़ी है सितम की
मोहब्बत की सज़ा है और मैं हूँ
न पूछो हाल मेरा कुछ न पूछो
कि तस्लीम ओ रज़ा है और मैं हूँ
ये तूल-ए-उम्र ना-माक़ूल ओ बे-कैफ़
बुज़ुर्गों की दुआ है और मैं हूँ
लहू के घूँट पीना और जीना
मुसलसल इक मज़ा है और मैं हूँ
'हफ़ीज़' ऐसी फ़लाकत के दिनों में
फ़क़त शुक्र-ए-ख़ुदा है और मैं हूँ
dil-e-be-mudda.ā hai aur maiñ huuñ
magar lab par duā hai aur maiñ huuñ
na saaqī hai na ab vo shai hai baaqī
mirā daur aa gayā hai aur maiñ huuñ
udhar duniyā hai aur duniyā ke bande
idhar merā ḳhudā hai aur maiñ huuñ
koī pursāñ nahīñ pīr-e-muġhāñ kā
faqat merī vafā hai aur maiñ huuñ
abhī mī.ād baaqī hai sitam kī
mohabbat kī sazā hai aur maiñ huuñ
na pūchho haal merā kuchh na pūchho
ki taslīm o razā hai aur maiñ huuñ
ye tūl-e-umr nā-māqūl o be-kaif
buzurgoñ kī duā hai aur maiñ huuñ
lahū ke ghūñT piinā aur jiinā
musalsal ik mazā hai aur maiñ huuñ
'hafīz' aisī falākat ke dinoñ meñ
faqat shukr-e-ḳhudā hai aur maiñ huuñ
دل بے مدعا ہے اور میں ہوں
مگر لب پر دعا ہے اور میں ہوں
نہ ساقی ہے نہ اب وہ شے ہے باقی
مرا دور آ گیا ہے اور میں ہوں
ادھر دنیا ہے اور دنیا کے بندے
ادھر میرا خدا ہے اور میں ہوں
کوئی پرساں نہیں پیر مغاں کا
فقط میری وفا ہے اور میں ہوں
ابھی میعاد باقی ہے ستم کی
محبت کی سزا ہے اور میں ہوں
نہ پوچھو حال میرا کچھ نہ پوچھو
کہ تسلیم و رضا ہے اور میں ہوں
یہ طول عمر نامعقول و بے کیف
بزرگوں کی دعا ہے اور میں ہوں
لہو کے گھونٹ پینا اور جینا
مسلسل اک مزا ہے اور میں ہوں
حفیظؔ ایسی فلاکت کے دنوں میں
فقط شکر خدا ہے اور میں ہوں