दयार-ए-जिस्म से सहरा-ए-जाँ तक
उड़ूँ मैं ख़ाक सा आख़िर कहाँ तक
कुछ ऐसा हम को करना चाहिए अब
उतर आए ज़मीं पर आसमाँ तक
बहुत कम फ़ासला अब रह गया है
बिफरती आँधियों से बादबाँ तक
मयस्सर आग है गुल की न बिजली
अँधेरे में पड़े हैं आशियाँ तक
ये जंगल है निहायत ही पुर-असरार
क़दम रखती नहीं इस में ख़िज़ाँ तक
वहीं तक क्यूँ रसाई है हमारी
नुक़ूश-ए-पा ज़मीं पर हैं जहाँ तक
निकल आओ हिसार-ए-ख़ामुशी से
जो दिल में है वो लाओ भी ज़बाँ तक
यहाँ शैताँ प है इक लर्ज़ा तारी
नहीं उठता चराग़ों से धुआँ तक
dayār-e-jism se sahrā-e-jāñ tak
uḌuuñ maiñ ḳhaak sā āḳhir kahāñ tak
kuchh aisā ham ko karnā chāhiye ab
utar aa.e zamīñ par āsmāñ tak
bahut kam fāsla ab rah gayā hai
biphartī āñdhiyoñ se bādbāñ tak
mayassar aag hai gul kī na bijlī
añdhere meñ paḌe haiñ āshiyāñ tak
ye jangal hai nihāyat hī pur-asrār
qadam rakhtī nahīñ is meñ ḳhizāñ tak
vahīñ tak kyuuñ rasā.ī hai hamārī
nuqūsh-e-pā zamīñ par haiñ jahāñ tak
nikal aao hisār-e-ḳhāmushī se
jo dil meñ hai vo laao bhī zabāñ tak
yahāñ shaitāñ pa hai ik larza taarī
nahīñ uThtā charāġhoñ se dhuāñ tak
دیار جسم سے صحرائے جاں تک
اڑوں میں خاک سا آخر کہاں تک
کچھ ایسا ہم کو کرنا چاہیئے اب
اتر آئے زمیں پر آسماں تک
بہت کم فاصلہ اب رہ گیا ہے
بپھرتی آندھیوں سے بادباں تک
میسر آگ ہے گل کی نہ بجلی
اندھیرے میں پڑے ہیں آشیاں تک
یہ جنگل ہے نہایت ہی پر اسرار
قدم رکھتی نہیں اس میں خزاں تک
وہیں تک کیوں رسائی ہے ہماری
نقوش پا زمیں پر ہیں جہاں تک
نکل آؤ حصار خامشی سے
جو دل میں ہے وہ لاؤ بھی زباں تک
یہاں شیطاں پہ ہے اک لرزہ طاری
نہیں اٹھتا چراغوں سے دھواں تک