दर-पर्दा-ए-बहार जो वो नग़्मा-ख़्वाँ न हो
बुलबुल से नाला गुल से तबस्सुम अयाँ न हो
ग़व्वास-ए-बहर-ए-इश्क़ न तूफ़ान-ए-ग़म से डर
ये भी शनावरी का तिरी इम्तिहाँ न हो
नाकामी-ए-ख़िरद से मुझे अब ये ख़ौफ़ है
सई-ए-जुनूँ भी मेरी कहीं राएगाँ न हो
ऐसा कोई मक़ाम न अब तक मिला जहाँ
मेरी जबीं हो और तिरा आस्ताँ न हो
उस बे-निशाँ का मिल नहीं सकता कभी सुराग़
जब तक कोई तलाश में ख़ुद बे-निशाँ न हो
मैं भी मिटा चुका हूँ रह-ए-इश्क़ में हयात
मेरा ही ये ग़ुबार पस-ए-कारवाँ न हो
'वहशी' तरीक़-ए-इश्क़ में रुस्वाइयाँ भी हैं
कितना ही दर्द दिल में हो लब पर फ़ुग़ाँ न हो
dar-parda-e-bahār jo vo naġhma-ḳhvāñ na ho
bulbul se naala gul se tabassum ayaañ na ho
ġhavvās-e-bahr-e-ishq na tūfān-e-ġham se Dar
ye bhī shanāvarī kā tirī imtihāñ na ho
nākāmī-e-ḳhirad se mujhe ab ye ḳhauf hai
sa.ī-e-junūñ bhī merī kahīñ rā.egāñ na ho
aisā koī maqām na ab tak milā jahāñ
merī jabīñ ho aur tirā āstāñ na ho
us be-nishāñ kā mil nahīñ saktā kabhī surāġh
jab tak koī talāsh meñ ḳhud be-nishāñ na ho
maiñ bhī miTā chukā huuñ rah-e-ishq meñ hayāt
merā hī ye ġhubār pas-e-kārvāñ na ho
'vahshī' tarīq-e-ishq meñ rusvā.iyāñ bhī haiñ
kitnā hī dard dil meñ ho lab par fuġhāñ na ho
در پردۂ بہار جو وہ نغمہ خواں نہ ہو
بلبل سے نالہ گل سے تبسم عیاں نہ ہو
غواص بحر عشق نہ طوفان غم سے ڈر
یہ بھی شناوری کا تری امتحاں نہ ہو
ناکامیٔ خرد سے مجھے اب یہ خوف ہے
سعئ جنوں بھی میری کہیں رائیگاں نہ ہو
ایسا کوئی مقام نہ اب تک ملا جہاں
میری جبیں ہو اور ترا آستاں نہ ہو
اس بے نشاں کا مل نہیں سکتا کبھی سراغ
جب تک کوئی تلاش میں خود بے نشاں نہ ہو
میں بھی مٹا چکا ہوں رہ عشق میں حیات
میرا ہی یہ غبار پس کارواں نہ ہو
وحشیؔ طریق عشق میں رسوائیاں بھی ہیں
کتنا ہی درد دل میں ہو لب پر فغاں نہ ہو