बुरी ज़मीनों के फ़ासलों को मिटाते रहना
मैं लौट आऊँगा मुझ को वापस बुलाते रहना
ये गर्द-बादों का मसअला है कि मश्ग़ला है
हवा के दामन पे दाएरे से बनाते रहना
तिरी तलब के अलावा अपना कोई नहीं है
क़रीब आ कर भी कुछ न कुछ दूर जाते रहना
तुम्हारी आँखें तो ज़िंदगी से भरी हुई हैं
हमारे जैसों का हौसला भी बढ़ाते रहना
वो नज़्म जिस को पढ़ा नहीं था जिया था हम ने
कोई भी रुत हो बहार आई सुनाते रहना
विसाल क्या है सुपुर्दगी का कमाल क्या है
बढ़ा-चढ़ा कर सहेलियों को बताते रहना
नज़र भी रखना मोहल्ले वालों की ज़िंदगी पर
कबूतरों को भी दाना-वाना खिलाते रहना
बिछड़ना चाहो तो अपने दिल की नफ़ी न करना
यही बहुत है जहाँ रहो मुस्कुराते रहना
ये पेड़ वो हैं जो आसमानों को साया देंगे
जो हो सके तो दुआ के पौदे लगाते रहना
हमारी दुनिया में हैरतों की बहुत कमी है
ये आग अंदर से बुझ रही है जलाते रहना
burī zamīnoñ ke fāsloñ ko miTāte rahnā
maiñ lauT ā.ūñgā mujh ko vāpas bulāte rahnā
ye gard-bādoñ kā mas.ala hai ki mashġhala hai
havā ke dāman pe dā.ere se banāte rahnā
tirī talab ke alāva apnā koī nahīñ hai
qarīb aa kar bhī kuchh na kuchh duur jaate rahnā
tumhārī āñkheñ to zindagī se bharī huī haiñ
hamāre jaisoñ kā hausla bhī baḌhāte rahnā
vo nazm jis ko paḌhā nahīñ thā jiyā thā ham ne
koī bhī rut ho bahār aa.ī sunāte rahnā
visāl kyā hai supurdagī kā kamāl kyā hai
baḌhā-chaḌhā kar saheliyoñ ko batāte rahnā
nazar bhī rakhnā mohalle vāloñ kī zindagī par
kabūtaroñ ko bhī dāna-vāna khilāte rahnā
bichhaḌnā chāho to apne dil kī nafī na karnā
yahī bahut hai jahāñ raho muskurāte rahnā
ye peḌ vo haiñ jo āsmānoñ ko saaya deñge
jo ho sake to duā ke paude lagāte rahnā
hamārī duniyā meñ hairatoñ kī bahut kamī hai
ye aag andar se bujh rahī hai jalāte rahnā
بری زمینوں کے فاصلوں کو مٹاتے رہنا
میں لوٹ آؤں گا مجھ کو واپس بلاتے رہنا
یہ گرد بادوں کا مسئلہ ہے کہ مشغلہ ہے
ہوا کے دامن پہ دائرے سے بناتے رہنا
تری طلب کے علاوہ اپنا کوئی نہیں ہے
قریب آ کر بھی کچھ نہ کچھ دور جاتے رہنا
تمہاری آنکھیں تو زندگی سے بھری ہوئی ہیں
ہمارے جیسوں کا حوصلہ بھی بڑھاتے رہنا
وہ نظم جس کو پڑھا نہیں تھا جیا تھا ہم نے
کوئی بھی رت ہو بہار آئی سناتے رہنا
وصال کیا ہے سپردگی کا کمال کیا ہے
بڑھا چڑھا کر سہیلیوں کو بتاتے رہنا
نظر بھی رکھنا محلے والوں کی زندگی پر
کبوتروں کو بھی دانہ وانہ کھلاتے رہنا
بچھڑنا چاہو تو اپنے دل کی نفی نہ کرنا
یہی بہت ہے جہاں رہو مسکراتے رہنا
یہ پیڑ وہ ہیں جو آسمانوں کو سایہ دیں گے
جو ہو سکے تو دعا کے پودے لگاتے رہنا
ہماری دنیا میں حیرتوں کی بہت کمی ہے
یہ آگ اندر سے بجھ رہی ہے جلاتے رہنا