भुला चुका है ज़माना मिरे फ़साने को
मैं रो रही हूँ मगर अब भी उस ज़माने को
वो मुझ से वा'दा-ए-फ़र्दा मिरी क़सम ले कर
है याद आ गया फिर से मुझे रुलाने को
यक़ीन जान कि आँखों से ख़ून बहने लगे
मैं बैठ जाऊँ अगर हाल-ए-दिल सुनाने को
ज़माने-भर के दुखों को लगा लिया है गले
अब एक पल नहीं मिलता है मुस्कुराने को
वो गीत जिस को मोहब्बत सलाम करती है
मैं हर्फ़ बुनती रही ऐसा गीत गाने को
वो इक जहाँ कि जिसे हर जहाँ 'अज़ीज़ रहा
जनम जनम से मैं तकती थी उस ज़माने को
हमारे हाथ से तहज़ीब के गुहर भी गए
हमारे पास है अब और क्या बचाने को
हमारे 'अह्द में लहजों का ख़ून होता है
कि ज़ख़्म देते हैं हम तो नए ज़माने को
तुम्हीं ये कहते हो तन्हा हूँ मैं अकेली हूँ
तुम्हारे वास्ते छोड़ा है इक ज़माने को
'सबीन' ज़ात के ग़म से कभी नहीं निकली
वो फिर भी जीती है दुनिया के ग़म उठाने को
bhulā chukā hai zamāna mire fasāne ko
maiñ ro rahī huuñ magar ab bhī us zamāne ko
vo mujh se vā'da-e-fardā mirī qasam le kar
hai yaad aa gayā phir se mujhe rulāne ko
yaqīn jaan ki āñkhoñ se ḳhuun bahne lage
maiñ baiTh jā.ūñ agar hāl-e-dil sunāne ko
zamāne-bhar ke dukhoñ ko lagā liyā hai gale
ab ek pal nahīñ miltā hai muskurāne ko
vo giit jis ko mohabbat salām kartī hai
maiñ harf buntī rahī aisā giit gaane ko
vo ik jahāñ ki jise har jahāñ 'azīz rahā
janam janam se maiñ taktī thī us zamāne ko
hamāre haath se tahzīb ke guhar bhī ga.e
hamāre paas hai ab aur kyā bachāne ko
hamāre 'ahd meñ lahjoñ kā ḳhuun hotā hai
ki zaḳhm dete haiñ ham to na.e zamāne ko
tumhīñ ye kahte ho tanhā huuñ maiñ akelī huuñ
tumhāre vāste chhoḌā hai ik zamāne ko
'sabīn' zaat ke ġham se kabhī nahīñ niklī
vo phir bhī jiitī hai duniyā ke ġham uThāne ko
بھلا چکا ہے زمانہ مرے فسانے کو
میں رو رہی ہوں مگر اب بھی اس زمانے کو
وہ مجھ سے وعدۂ فردا مری قسم لے کر
ہے یاد آ گیا پھر سے مجھے رلانے کو
یقین جان کہ آنکھوں سے خون بہنے لگے
میں بیٹھ جاؤں اگر حال دل سنانے کو
زمانے بھر کے دکھوں کو لگا لیا ہے گلے
اب ایک پل نہیں ملتا ہے مسکرانے کو
وہ گیت جس کو محبت سلام کرتی ہے
میں حرف بنتی رہی ایسا گیت گانے کو
وہ اک جہاں کہ جسے ہر جہاں عزیز رہا
جنم جنم سے میں تکتی تھی اس زمانے کو
ہمارے ہاتھ سے تہذیب کے گہر بھی گئے
ہمارے پاس ہے اب اور کیا بچانے کو
ہمارے عہد میں لہجوں کا خون ہوتا ہے
کہ زخم دیتے ہیں ہم تو نئے زمانے کو
تمہیں یہ کہتے ہو تنہا ہوں میں اکیلی ہوں
تمہارے واسطے چھوڑا ہے اک زمانے کو
ثبینؔ ذات کے غم سے کبھی نہیں نکلی
وہ پھر بھی جیتی ہے دنیا کے غم اٹھانے کو