बे-सहारों का इंतिज़ाम करो
यानी इक और क़त्ल-ए-आम करो
ख़ैर-ख़्वाहों का मशवरा ये है
ठोकरें खाओ और सलाम करो
दब के रहना हमें नहीं मंज़ूर
ज़ालिमो जाओ अपना काम करो
ख़्वाहिशें जाने किस तरफ़ ले जाएँ
ख़्वाहिशों को न बे-लगाम करो
मेज़बानों में हो जहाँ अन-बन
ऐसी बस्ती में मत क़याम करो
आप छट जाएँगे हवस वाले
तुम ज़रा बे-रुख़ी को आम करो
ढूँडते हो गिरों पड़ों को क्यूँ
उड़ने वालों को ज़ेर-ए-दाम करो
देने वाला बड़ाई भी देगा
तुम समाई का एहतिमाम करो
बद-दुआ दे के चल दिया वो फ़क़ीर
कह दिया था कि कोई काम करो
ये हुनर भी बड़ा ज़रूरी है
कितना झुक कर किसे सलाम करो
सर-फिरों में अभी हरारत है
इन जियालों का एहतिराम करो
साँप आपस में कह रहे हैं 'हफ़ीज़'
आस्तीनों का इंतिज़ाम करो
be-sahāroñ kā intizām karo
yaanī ik aur qatl-e-ām karo
ḳhair-ḳhvāhoñ kā mashvara ye hai
Thokareñ khaao aur salām karo
dab ke rahnā hameñ nahīñ manzūr
zālimo jaao apnā kaam karo
ḳhvāhisheñ jaane kis taraf le jaa.eñ
ḳhvāhishoñ ko na be-lagām karo
mezbānoñ meñ ho jahāñ an-ban
aisī bastī meñ mat qayām karo
aap chhaT jā.eñge havas vaale
tum zarā be-ruḳhī ko aam karo
DhūñDte ho giroñ paḌoñ ko kyuuñ
uḌne vāloñ ko zer-e-dām karo
dene vaalā baḌā.ī bhī degā
tum samā.ī kā ehtimām karo
bad-duā de ke chal diyā vo faqīr
kah diyā thā ki koī kaam karo
ye hunar bhī baḌā zarūrī hai
kitnā jhuk kar kise salām karo
sar-phiroñ meñ abhī harārat hai
in jiyāloñ kā ehtirām karo
saañp aapas meñ kah rahe haiñ 'hafīz'
āstīnoñ kā intizām karo
بے سہاروں کا انتظام کرو
یعنی اک اور قتل عام کرو
خیر خواہوں کا مشورہ یہ ہے
ٹھوکریں کھاؤ اور سلام کرو
دب کے رہنا ہمیں نہیں منظور
ظالمو جاؤ اپنا کام کرو
خواہشیں جانے کس طرف لے جائیں
خواہشوں کو نہ بے لگام کرو
میزبانوں میں ہو جہاں ان بن
ایسی بستی میں مت قیام کرو
آپ چھٹ جائیں گے ہوس والے
تم ذرا بے رخی کو عام کرو
ڈھونڈتے ہو گروں پڑوں کو کیوں
اڑنے والوں کو زیر دام کرو
دینے والا بڑائی بھی دے گا
تم سمائی کا اہتمام کرو
بد دعا دے کے چل دیا وہ فقیر
کہہ دیا تھا کہ کوئی کام کرو
یہ ہنر بھی بڑا ضروری ہے
کتنا جھک کر کسے سلام کرو
سرپھروں میں ابھی حرارت ہے
ان جیالوں کا احترام کرو
سانپ آپس میں کہہ رہے ہیں حفیظؔ
آستینوں کا انتظام کرو