बज़्म-ए-तकल्लुफ़ात सजाने में रह गया
मैं ज़िंदगी के नाज़ उठाने में रह गया
तासीर के लिए जहाँ तहरीफ़ की गई
इक झोल बस वहीं पे फ़साने में रह गया
सब मुझ पे मोहर-ए-जुर्म लगाते चले गए
मैं सब को अपने ज़ख़्म दिखाने में रह गया
ख़ुद हादसा भी मौत पे उस की था दम-ब-ख़ुद
वो दूसरों की जान बचाने में रह गया
अब अहल-ए-कारवाँ पे लगाता है तोहमतें
वो हम-सफ़र जो हीले बहाने में रह गया
मैदान-ए-कार-ज़ार में आए वो क़ौम क्या
जिस का जवान आईना-ख़ाने में रह गया
वो वक़्त का जहाज़ था करता लिहाज़ क्या
मैं दोस्तों से हाथ मिलाने में रह गया
सुनता नहीं है मुफ़्त जहाँ बात भी कोई
मैं ख़ाली हाथ ऐसे ज़माने में रह गया
बाज़ार-ए-ज़िंदगी से क़ज़ा ले गई मुझे
ये दौर मेरे दाम लगाने में रह गया
ये भी है एक कार-ए-नुमायाँ 'हफ़ीज़' का
क्या सादा-लौह कैसे ज़माने में रह गया
bazm-e-takallufāt sajāne meñ rah gayā
maiñ zindagī ke naaz uThāne meñ rah gayā
tāsīr ke liye jahāñ tahrīf kī ga.ī
ik jhol bas vahīñ pe fasāne meñ rah gayā
sab mujh pe mohr-e-jurm lagāte chale ga.e
maiñ sab ko apne zaḳhm dikhāne meñ rah gayā
ḳhud hādsa bhī maut pe us kī thā dam-ba-ḳhud
vo dūsroñ kī jaan bachāne meñ rah gayā
ab ahl-e-kārvāñ pe lagātā hai tohmateñ
vo ham-safar jo hiile bahāne meñ rah gayā
maidān-e-kār-zār meñ aa.e vo qaum kyā
jis kā javān ā.īna-ḳhāne meñ rah gayā
vo vaqt kā jahāz thā kartā lihāz kyā
maiñ dostoñ se haath milāne meñ rah gayā
suntā nahīñ hai muft jahāñ baat bhī koī
maiñ ḳhālī haath aise zamāne meñ rah gayā
bāzār-e-zindagī se qazā le ga.ī mujhe
ye daur mere daam lagāne meñ rah gayā
ye bhī hai ek kār-e-numāyāñ 'hafīz' kā
kyā sāda-lauh kaise zamāne meñ rah gayā
بزم تکلفات سجانے میں رہ گیا
میں زندگی کے ناز اٹھانے میں رہ گیا
تاثیر کے لیے جہاں تحریف کی گئی
اک جھول بس وہیں پہ فسانے میں رہ گیا
سب مجھ پہ مہر جرم لگاتے چلے گئے
میں سب کو اپنے زخم دکھانے میں رہ گیا
خود حادثہ بھی موت پہ اس کی تھا دم بخود
وہ دوسروں کی جان بچانے میں رہ گیا
اب اہل کارواں پہ لگاتا ہے تہمتیں
وہ ہم سفر جو حیلے بہانے میں رہ گیا
میدان کارزار میں آئے وہ قوم کیا
جس کا جوان آئینہ خانے میں رہ گیا
وہ وقت کا جہاز تھا کرتا لحاظ کیا
میں دوستوں سے ہاتھ ملانے میں رہ گیا
سنتا نہیں ہے مفت جہاں بات بھی کوئی
میں خالی ہاتھ ایسے زمانے میں رہ گیا
بازار زندگی سے قضا لے گئی مجھے
یہ دور میرے دام لگانے میں رہ گیا
یہ بھی ہے ایک کار نمایاں حفیظؔ کا
کیا سادہ لوح کیسے زمانے میں رہ گیا