बड़े अदब से ग़ुरूर-ए-सितम-गराँ बोला
जब इंक़लाब के लहजे में बे-ज़बाँ बोला
तकोगे यूँही हवाओं का मुँह भला कब तक
ये ना-ख़ुदाओं से इक रोज़ बादबाँ बोला
चमन में सब की ज़बाँ पर थी मेरी मज़लूमी
मिरे ख़िलाफ़ जो बोला तो बाग़बाँ बोला
यही बहुत है कि ज़िंदा तो हो मियाँ-साहब
ज़माना सुन के मिरे ग़म की दास्ताँ बोला
हिसार-ए-जब्र में ज़िंदा बदन जलाए गए
किसी ने दम नहीं मारा मगर धुआँ बोला
असर हुआ तो ये तक़रीर का कमाल नहीं
मिरा ख़ुलूस मुख़ातब था मैं कहाँ बोला
कहा न था कि नवाज़ेंगे हम 'हफ़ीज़' तुझे
उड़ा के वो मिरे दामन की धज्जियाँ बोला
baḌe adab se ġhurūr-e-sitam-garāñ bolā
jab inqalāb ke lahje meñ be-zabāñ bolā
takoge yūñhī havāoñ kā muñh bhalā kab tak
ye nā-ḳhudāoñ se ik roz bādbāñ bolā
chaman meñ sab kī zabāñ par thī merī mazlūmī
mire ḳhilāf jo bolā to bāġhbāñ bolā
yahī bahut hai ki zinda to ho miyāñ-sāhab
zamāna sun ke mire ġham kī dāstāñ bolā
hisār-e-jabr meñ zinda badan jalā.e ga.e
kisī ne dam nahīñ maarā magar dhuāñ bolā
asar huā to ye taqrīr kā kamāl nahīñ
mirā ḳhulūs muḳhātab thā maiñ kahāñ bolā
kahā na thā ki navāzeñge ham 'hafīz' tujhe
uḌā ke vo mire dāman kī dhajjiyāñ bolā
بڑے ادب سے غرور ستمگراں بولا
جب انقلاب کے لہجے میں بے زباں بولا
تکو گے یوں ہی ہواؤں کا منہ بھلا کب تک
یہ ناخداؤں سے اک روز بادباں بولا
چمن میں سب کی زباں پر تھی میری مظلومی
مرے خلاف جو بولا تو باغباں بولا
یہی بہت ہے کہ زندہ تو ہو میاں صاحب
زمانہ سن کے مرے غم کی داستاں بولا
حصار جبر میں زندہ بدن جلائے گئے
کسی نے دم نہیں مارا مگر دھواں بولا
اثر ہوا تو یہ تقریر کا کمال نہیں
مرا خلوص مخاطب تھا میں کہاں بولا
کہا نہ تھا کہ نوازیں گے ہم حفیظؔ تجھے
اڑا کے وہ مرے دامن کی دھجیاں بولا