अपने ख़ला में ला कि ये तुम को दिखा रहा हूँ मैं
वो जो ख़ला-नवर्द हैं उन के लिए ख़ला हूँ मैं
इश्क़ हुआ नहीं मुझे इश्क़ को हो गया हूँ मैं
उतना नहीं बचा हुआ जितना पड़ा हुआ हूँ मैं
बन तो गया हूँ कूज़ा-गर घूम के तेरे चाक पर
जैसा बना रहा था तू वैसा नहीं बना हूँ मैं
मिट्टी यहाँ की ठीक है मिट्टी से कुछ गिला नहीं
आँखें मिला मिला के बस पानी बदल रहा हूँ मैं
भेस दिए का धार कर तेरी दुआ सँवार कर
बीच में ताक़चा है और दोनों तरफ़ खड़ा हूँ मैं
रूह मिली है या नहीं इतना मैं जानता नहीं
तेरे से एक जिस्म को पहले भी मिल चुका हूँ मैं
बारा बजे के ब'अद इक दिन को निकालते हुए
देखा तो जा चुका हूँ पर पकड़ा नहीं गया हूँ मैं
apne ḳhalā meñ lā ki ye tum ko dikhā rahā huuñ maiñ
vo jo ḳhalā-navard haiñ un ke liye ḳhalā huuñ maiñ
ishq huā nahīñ mujhe ishq ko ho gayā huuñ maiñ
utnā nahīñ bachā huā jitnā paḌā huā huuñ maiñ
ban to gayā huuñ kūza-gar ghuum ke tere chaak par
jaisā banā rahā thā tū vaisā nahīñ banā huuñ maiñ
miTTī yahāñ kī Thiik hai miTTī se kuchh gilā nahīñ
āñkheñ milā milā ke bas paanī badal rahā huuñ maiñ
bhes diye kā dhaar kar terī duā sañvār kar
biich meñ tāqcha hai aur donoñ taraf khaḌā huuñ maiñ
ruuh milī hai yā nahīñ itnā maiñ jāntā nahīñ
tere se ek jism ko pahle bhī mil chukā huuñ maiñ
baara baje ke ba.ad ik din ko nikālte hue
dekhā to jā chukā huuñ par pakḌā nahīñ gayā huuñ maiñ
اپنے خلا میں لا کہ یہ تم کو دکھا رہا ہوں میں
وہ جو خلا نورد ہیں ان کے لیے خلا ہوں میں
عشق ہوا نہیں مجھے عشق کو ہو گیا ہوں میں
اتنا نہیں بچا ہوا جتنا پڑا ہوا ہوں میں
بن تو گیا ہوں کوزہ گر گھوم کے تیرے چاک پر
جیسا بنا رہا تھا تو ویسا نہیں بنا ہوں میں
مٹی یہاں کی ٹھیک ہے مٹی سے کچھ گلا نہیں
آنکھیں ملا ملا کے بس پانی بدل رہا ہوں میں
بھیس دیے کا دھار کر تیری دعا سنوار کر
بیچ میں طاقچہ ہے اور دونوں طرف کھڑا ہوں میں
روح ملی ہے یا نہیں اتنا میں جانتا نہیں
تیرے سے ایک جسم کو پہلے بھی مل چکا ہوں میں
بارہ بجے کے بعد اک دن کو نکالتے ہوئے
دیکھا تو جا چکا ہوں پر پکڑا نہیں گیا ہوں میں