आँखें बुझ जाएँगी शो'ला रह जाएगा
या'नी जो देखा था देखा रह जाएगा
अगली सा'अत शे'र पूरा कर पाएगी
या ये मिस्रा मेरे जैसा रह जाएगा
तेरा बोसा ऐसा प्याला है जिस में से
पानी पीने वाला प्यासा रह जाएगा
दोनों में से उस पे दिल को रुकना होगा
लम्हों में से जो ज़ियादा रह जाएगा
मेरी आहट सुन ले जो तू सुन सकता है
फिर ये आना जाना नग़्मा रह जाएगा
रंग आख़िर उड़ते जाएँगे यादों के
दिल में बाक़ी है जो ख़ाका रह जाएगा
लड़कियाँ दो उठ न पाएँगी लेटी तो
हुस्न अपना हुस्न चुनता रह जाएगा
āñkheñ bujh jā.eñgī sho'la rah jā.egā
yā'nī jo dekhā thā dekhā rah jā.egā
aglī sā'at she'r puurā kar pā.egī
yā ye misra mere jaisā rah jā.egā
terā bosa aisā pyāla hai jis meñ se
paanī piine vaalā pyāsā rah jā.egā
donoñ meñ se us pe dil ko ruknā hogā
lamhoñ meñ se jo ziyāda rah jā.egā
merī aahaT sun le jo tū sun saktā hai
phir ye aanā jaanā naġhma rah jā.egā
rang āḳhir uḌte jā.eñge yādoñ ke
dil meñ baaqī hai jo ḳhāka rah jā.egā
laḌkiyāñ do uTh na pā.eñgī leTī to
husn apnā husn chuntā rah jā.egā
آنکھیں بجھ جائیں گی شعلہ رہ جائے گا
یعنی جو دیکھا تھا دیکھا رہ جائے گا
اگلی ساعت شعر پورا کر پائے گی
یا یہ مصرعہ میرے جیسا رہ جائے گا
تیرا بوسہ ایسا پیالہ ہے جس میں سے
پانی پینے والا پیاسا رہ جائے گا
دونوں میں سے اس پہ دل کو رکنا ہوگا
لمحوں میں سے جو زیادہ رہ جائے گا
میری آہٹ سن لے جو تو سن سکتا ہے
پھر یہ آنا جانا نغمہ رہ جائے گا
رنگ آخر اڑتے جائیں گے یادوں کے
دل میں باقی ہے جو خاکہ رہ جائے گا
لڑکیاں دو اٹھ نہ پائیں گی لیٹی تو
حسن اپنا حسن چنتا رہ جائے گا