अक्सर तन्हाई से मिल कर रोए हैं
हम ने अपने अश्क आग से धोए हैं
बहुत निभाई लेन-देन की रस्में भी
कुछ आँसू पाए हैं कुछ ग़म खोए हैं
जब भी बारिश ने मिट्टी से मुँह मोड़ा
जलते सूरज ने ज़र्रात भिगोए हैं
ख़बर जहाँ मिलती है अपने होने की
हम उस मंज़िल पर भी खोए खोए हैं
जब ख़ुद को पाना ही मुश्किल काम हुआ
क्यूँ कच्चे धागे में फूल पिरोए हैं
बाल-ओ-पर पाते ही उड़े हवाओं में
हम ने जो नज़दीक के रिश्ते ढोए हैं
तुम को क्या मालूम मिरी तन्हाई ने
लफ़्ज़ों में अपने जज़्बात समोए हैं
हम क्या जानें ख़्वाबों की नर्मी क्या है
हम कब ख़ुश्बू की बाँहों में सोए हैं
बहा न ले जाए उन को बारिश 'ऊषा'
चट्टानों पर ख़्वाब वफ़ा के बोए हैं
akasr tanhā.ī se mil kar ro.e haiñ
ham ne apne ashk aag se dho.e haiñ
bahut nibhā.ī len-den kī rasmeñ bhī
kuchh aañsū paa.e haiñ kuchh ġham kho.e haiñ
jab bhī bārish ne miTTī se muñh moḌā
jalte sūraj ne zarrāt bhigo.e haiñ
ḳhabar jahāñ miltī hai apne hone kī
ham us manzil par bhī kho.e kho.e haiñ
jab ḳhud ko paanā hī mushkil kaam huā
kyuuñ kachche dhāge meñ phuul piro.e haiñ
bāl-o-par paate hī uḌe havāoñ meñ
ham ne jo nazdīk ke rishte Dho.e haiñ
tum ko kyā mālūm mirī tanhā.ī ne
lafzoñ meñ apne jazbāt samo.e haiñ
ham kyā jāneñ ḳhvāboñ kī narmī kyā hai
ham kab ḳhushbū kī bāñhoñ meñ so.e haiñ
bahā na le jaa.e un ko bārish 'ūshā'
chaTTānoñ par ḳhvāb vafā ke bo.e haiñ
اکثر تنہائی سے مل کر روئے ہیں
ہم نے اپنے اشک آگ سے دھوئے ہیں
بہت نبھائی لین دین کی رسمیں بھی
کچھ آنسو پائے ہیں کچھ غم کھوئے ہیں
جب بھی بارش نے مٹی سے منہ موڑا
جلتے سورج نے ذرات بھگوئے ہیں
خبر جہاں ملتی ہے اپنے ہونے کی
ہم اس منزل پر بھی کھوئے کھوئے ہیں
جب خود کو پانا ہی مشکل کام ہوا
کیوں کچے دھاگے میں پھول پروئے ہیں
بال و پر پاتے ہی اڑے ہواؤں میں
ہم نے جو نزدیک کے رشتے ڈھوئے ہیں
تم کو کیا معلوم مری تنہائی نے
لفظوں میں اپنے جذبات سموئے ہیں
ہم کیا جانیں خوابوں کی نرمی کیا ہے
ہم کب خوشبو کی بانہوں میں سوئے ہیں
بہا نہ لے جائے ان کو بارش اوشاؔ
چٹانوں پر خواب وفا کے بوئے ہیں