अक्सर मिरी ज़मीं ने मिरे इम्तिहाँ लिए
ज़िंदा हूँ अपने सर पे कई आसमाँ लिए
बेचारगी कभी मुझे साबित न कर सकी
क्या क्या मिरी हयात ने मेरे बयाँ लिए
अपनी सदाक़तों से भी लगने लगा है डर
चलना है इस ज़मीं पे सराब-ए-गुमाँ लिए
और मैं कि अपनी ज़ात से निस्बत नहीं मिरी
हर शख़्स फिर रहा है मिरी दास्ताँ लिए
माँगी नहीं है मैं ने किसी आसमाँ से धूप
ज़िंदा हूँ अपने हाथों में अपना जहाँ लिए
सारा क़ुसूर जैसे मिरी बेबसी का था
इल्ज़ाम अपने सर पे किसी ने कहाँ लिए
उन्वान इज़्तिराब किए कितने फ़ासले
तुम ने क़दम क़दम पे मिरे इम्तिहाँ लिए
पहना उन्हें तो मैं भी धनक-पोश हो गई
अपना समझ के मैं ने तुम्हारे निशाँ लिए
'ऊषा' तमाम उम्र कटी इंतिज़ार में
आया न कोई घर में दिल-ए-मेहरबाँ लिए
akasr mirī zamīñ ne mire imtihāñ liye
zinda huuñ apne sar pe ka.ī āsmāñ liye
bechārgī kabhī mujhe sābit na kar sakī
kyā kyā mirī hayāt ne mere bayāñ liye
apnī sadāqatoñ se bhī lagne lagā hai Dar
chalnā hai is zamīñ pe sarāb-e-gumāñ liye
aur maiñ ki apnī zaat se nisbat nahīñ mirī
har shaḳhs phir rahā hai mirī dāstāñ liye
māñgī nahīñ hai maiñ ne kisī āsmāñ se dhuup
zinda huuñ apne hāthoñ meñ apnā jahāñ liye
saarā qusūr jaise mirī bebasī kā thā
ilzām apne sar pe kisī ne kahāñ liye
unvān iztirāb kiye kitne fāsle
tum ne qadam qadam pe mire imtihāñ liye
pahnā unheñ to maiñ bhī dhanak-posh ho ga.ī
apnā samajh ke maiñ ne tumhāre nishāñ liye
'ūshā' tamām umr kaTī intizār meñ
aayā na koī ghar meñ dil-e-mehrbāñ liye
اکثر مری زمیں نے مرے امتحاں لئے
زندہ ہوں اپنے سر پہ کئی آسماں لئے
بے چارگی کبھی مجھے ثابت نہ کر سکی
کیا کیا مری حیات نے میرے بیاں لئے
اپنی صداقتوں سے بھی لگنے لگا ہے ڈر
چلنا ہے اس زمیں پہ سراب گماں لئے
اور میں کہ اپنی ذات سے نسبت نہیں مری
ہر شخص پھر رہا ہے مری داستاں لئے
مانگی نہیں ہے میں نے کسی آسماں سے دھوپ
زندہ ہوں اپنے ہاتھوں میں اپنا جہاں لئے
سارا قصور جیسے مری بے بسی کا تھا
الزام اپنے سر پہ کسی نے کہاں لئے
عنوان اضطراب کئے کتنے فاصلے
تم نے قدم قدم پہ مرے امتحاں لئے
پہنا انہیں تو میں بھی دھنک پوش ہو گئی
اپنا سمجھ کے میں نے تمہارے نشاں لئے
اوشاؔ تمام عمر کٹی انتظار میں
آیا نہ کوئی گھر میں دل مہرباں لئے