ऐसी वुसअ'त कि चमकते हैं सितारे दिल में
उस को रहना ही नहीं आया हमारे दिल में
सब ने आ आ के मिरा ज़ेहनी तवाज़ुन छेड़ा
लोग जो जो भी मोहब्बत से उतारे दिल में
तू ने क्या जुर्म किया होगा जो मैं रहता रहा
इतना अर्सा मिरे चंदा तिरे प्यारे दिल में
तेरा रोना तिरे कुछ काम नहीं आएगा दोस्त
सब्ज़ बत्ती पे नहीं खुलते इशारे दिल में
उस की आँखों से जो देखे थे उन्ही ख़्वाबों ने
आज कल आग लगा रक्खी है सारे दिल में
कोई दो चार नए ज़ख़्म कि रश पड़ जाए
सिर्फ़ इक डर रहा करता है बेचारे दिल में
सच्चे दिल वाली मिरे हुजरे में रहती है हुज़ूर
मीठे पानी का कुआँ है मिरे खारे दिल में
मेरा अल्लाह मिरे साथ है वो जानती है
उस ने डरते हुए चलवाए हैं आरे दिल में
aisī vus.at ki chamakte haiñ sitāre dil meñ
us ko rahnā hī nahīñ aayā hamāre dil meñ
sab ne aa aa ke mirā zehnī tavāzun chheḌā
log jo jo bhī mohabbat se utāre dil meñ
tū ne kyā jurm kiyā hogā jo maiñ rahtā rahā
itnā arsa mire chandā tire pyāre dil meñ
terā ronā tire kuchh kaam nahīñ aa.egā dost
sabz battī pe nahīñ khulte ishāre dil meñ
us kī āñkhoñ se jo dekhe the unhī ḳhvāboñ ne
aaj kal aag lagā rakkhī hai saare dil meñ
koī do chaar na.e zaḳhm ki rash paḌ jaa.e
sirf ik Dar rahā kartā hai bechāre dil meñ
sachche dil vaalī mire hujre meñ rahtī hai huzūr
mīThe paanī kā kuaañ hai mire khāre dil meñ
merā allāh mire saath hai vo jāntī hai
us ne Darte hue chalvā.e haiñ aare dil meñ
ایسی وسعت کہ چمکتے ہیں ستارے دل میں
اس کو رہنا ہی نہیں آیا ہمارے دل میں
سب نے آ آ کے مرا ذہنی توازن چھیڑا
لوگ جو جو بھی محبت سے اتارے دل میں
تو نے کیا جرم کیا ہوگا جو میں رہتا رہا
اتنا عرصہ مرے چندا ترے پیارے دل میں
تیرا رونا ترے کچھ کام نہیں آئے گا دوست
سبز بتی پہ نہیں کھلتے اشارے دل میں
اس کی آنکھوں سے جو دیکھے تھے انہی خوابوں نے
آج کل آگ لگا رکھی ہے سارے دل میں
کوئی دو چار نئے زخم کہ رش پڑ جائے
صرف اک ڈر رہا کرتا ہے بے چارے دل میں
سچے دل والی مرے حجرے میں رہتی ہے حضور
میٹھے پانی کا کنواں ہے مرے کھارے دل میں
میرا اللہ مرے ساتھ ہے وہ جانتی ہے
اس نے ڈرتے ہوئے چلوائے ہیں آرے دل میں