अगर सुनानी है हर क़दम पर नई कहानी तो हार मानी
फ़रेब खाते हुए गुज़रनी है ज़िंदगानी तो हार मानी
अगर मोहब्बत तिरा रवय्या है फिर पराया तो बाज़ आया
अगर ज़माने तिरी रविश है वही पुरानी तो हार मानी
हम अपना जीवन हम अपनी ख़ुशियाँ हम अपना सब कुछ लुटा चुके हैं
अगर है फिर भी हमारी क़िस्मत में राइगानी तो हार मानी
समझ रही है अगर मोहब्बत को सिलसिला इक हिमाक़तों का
समझ रही है जो ख़ुद को तू इस क़दर सियानी तो हार मानी
नहीं बताना जो किस तनासुब से झूट है सारी दास्ताँ में
नहीं बताना जो दूध क्या और क्या है पानी तो हार मानी
सुख़न की देवी जो मेहरबाँ हो नहीं रही 'इफ़्तिख़ार' 'हैदर'
जो रुक रही है क़लम की क़िर्तास पर रवानी तो हार मानी
agar sunānī hai har qadam par na.ī kahānī to haar maanī
fareb khāte hue guzarnī hai zindagānī to haar maanī
agar mohabbat tirā ravayya hai phir parāyā to baaz aayā
agar zamāne tirī ravish hai vahī purānī to haar maanī
ham apnā jīvan ham apnī ḳhushiyāñ ham apnā sab kuchh luTā chuke haiñ
agar hai phir bhī hamārī qismat meñ rā.igānī to haar maanī
samajh rahī hai agar mohabbat ko silsila ik himāqatoñ kā
samajh rahī hai jo ḳhud ko tū is qadar siyānī to haar maanī
nahīñ batānā jo kis tanāsub se jhuuT hai saarī dāstāñ meñ
nahīñ batānā jo duudh kyā aur kyā hai paanī to haar maanī
suḳhan kī devī jo mehrbāñ ho nahīñ rahī 'iftiḳhār' 'haidar'
jo ruk rahī hai qalam kī qirtās par ravānī to haar maanī
اگر سنانی ہے ہر قدم پر نئی کہانی تو ہار مانی
فریب کھاتے ہوئے گزرنی ہے زندگانی تو ہار مانی
اگر محبت ترا رویہ ہے پھر پرایا تو باز آیا
اگر زمانے تری روش ہے وہی پرانی تو ہار مانی
ہم اپنا جیون ہم اپنی خوشیاں ہم اپنا سب کچھ لٹا چکے ہیں
اگر ہے پھر بھی ہماری قسمت میں رائگانی تو ہار مانی
سمجھ رہی ہے اگر محبت کو سلسلہ اک حماقتوں کا
سمجھ رہی ہے جو خود کو تو اس قدر سیانی تو ہار مانی
نہیں بتانا جو کس تناسب سے جھوٹ ہے ساری داستاں میں
نہیں بتانا جو دودھ کیا اور کیا ہے پانی تو ہار مانی
سخن کی دیوی جو مہرباں ہو نہیں رہی افتخارؔ حیدرؔ
جو رک رہی ہے قلم کی قرطاس پر روانی تو ہار مانی