आवाज़ के पत्थर जो कभी घर में गिरे हैं
आसेब ख़मोशी के 'सबा' चीख़ पड़े हैं
पाज़ेब के नग़्मों की वो रुत बीत चुकी है
अब सूखे हुए पत्ते इस आँगन में पड़े हैं
छुप जाएँ कहीं आ कि बहुत तेज़ है बारिश
ये मेरे तिरे जिस्म तो मिट्टी के बने हैं
इस दिल की हरी शाख़ पे जो फूल खिले थे
लम्हों की हथेली पे वो मुरझा के गिरे हैं
इस घर में किसे देते हो अब जा के सदाएँ
वो हारे थके लोग तो अब सो भी चुके हैं
āvāz ke patthar jo kabhī ghar meñ gire haiñ
aaseb ḳhamoshī ke 'sabā' chīḳh paḌe haiñ
pāzeb ke naġhmoñ kī vo rut biit chukī hai
ab sūkhe hue patte is āñgan meñ paḌe haiñ
chhup jaa.eñ kahīñ aa ki bahut tez hai bārish
ye mere tire jism to miTTī ke bane haiñ
is dil kī harī shāḳh pe jo phuul khile the
lamhoñ kī hathelī pe vo murjhā ke gire haiñ
is ghar meñ kise dete ho ab jā ke sadā.eñ
vo haare thake log to ab so bhī chuke haiñ
آواز کے پتھر جو کبھی گھر میں گرے ہیں
آسیب خموشی کے صباؔ چیخ پڑے ہیں
پازیب کے نغموں کی وہ رت بیت چکی ہے
اب سوکھے ہوئے پتے اس آنگن میں پڑے ہیں
چھپ جائیں کہیں آ کہ بہت تیز ہے بارش
یہ میرے ترے جسم تو مٹی کے بنے ہیں
اس دل کی ہری شاخ پہ جو پھول کھلے تھے
لمحوں کی ہتھیلی پہ وہ مرجھا کے گرے ہیں
اس گھر میں کسے دیتے ہو اب جا کے صدائیں
وہ ہارے تھکے لوگ تو اب سو بھی چکے ہیں