ये शब-ए-फ़ुर्क़त में रंग-ए-गर्दिश-ए-अय्याम था
सुब्ह का तारा जिसे समझा चराग़-ए-शाम था
हम सुना करते थे अक्सर गर्मी-ए-महशर का नाम
अब जो देखा इक सितमगर आफ़्ताब-ए-बाम था
इम्तियाज़-ए-इश्क़ था फिर कैसे ला सकता था ताब
हश्र बस इस पर बपा था उस का जल्वा आम था
इश्क़ पर लाज़िम था ख़ुद फ़रहाद का सर तोड़ना
पुख़्तगी का उस को दावा उस को सौदा ख़ाम था
आप तो मुख़्तार थे जो दिल ने चाहा वो किया
और फिर उल्टा मुझी पर हश्र में इल्ज़ाम था
मस्त साक़ी की नज़र की जुम्बिशों को क्या कहूँ
या'नी बे-पर्दा जवाब-ए-गर्दिश-ए-अय्याम था
मैं नशेमन में रहा सय्याद का यूँ भी असीर
दिल में था मेरे क़फ़स आँखों में मेरी दाम था
नामा-बर को जान दे दी इज़्तिराब-ए-शौक़ में
बस यही नामा मिरा था बस यही पैग़ाम था
इम्तिहान-ए-इश्क़ उस ने क्यों लिया ऐ अहल-ए-इश्क़
पुख़्ता-कारों की तरफ़ से क्या ख़याल-ए-ख़ाम था
मुझ को जब से होश है लाखों तरह के ग़म में हूँ
होश में जब तक न था मुझ को बहुत आराम था
क्या 'वफ़ा' की सरगुज़िश्त-ए-ग़म कहूँ यादश-ब-ख़ैर
मर रहा था और लब पर आप ही का नाम था
ye shab-e-furqat meñ rang-e-gardish-e-ayyām thā
sub.h kā taarā jise samjhā charāġh-e-shām thā
ham sunā karte the aksar garmī-e-mahshar kā naam
ab jo dekhā ik sitamgar āftāb-e-bām thā
imtiyāz-e-ishq thā phir kaise lā saktā thā taab
hashr bas is par bapā thā us kā jalva aam thā
ishq par lāzim thā ḳhud farhād kā sar toḌnā
puḳhtagī kā us ko da.avā us ko saudā ḳhaam thā
aap to muḳhtār the jo dil ne chāhā vo kiyā
aur phir ulTā mujhī par hashr meñ ilzām thā
mast saaqī kī nazar kī jumbihsoñ ko kyā kahūñ
ya.anī be-parda javāb-e-gardish-e-ayyām thā
maiñ nasheman meñ rahā sayyād kā yuuñ bhī asiir
dil meñ thā mere qafas āñkhoñ meñ merī daam thā
nāma-bar ko jaan de dī iztirāb-e-shauq meñ
bas yahī naama mirā thā bas yahī paiġhām thā
imtihān-e-ishq us ne kyoñ liyā ai ahl-e-ishq
puḳhta-kāroñ kī taraf se kyā ḳhayāl-e-ḳhām thā
mujh ko jab se hosh hai lākhoñ tarah ke ġham meñ huuñ
hosh meñ jab tak na thā mujh ko bahut ārām thā
kyā 'vafā' kī sarguzisht-e-ġham kahūñ yādash-ba-ḳhair
mar rahā thā aur lab par aap hī kā naam thā
یہ شب فرقت میں رنگ گردش ایام تھا
صبح کا تارا جسے سمجھا چراغ شام تھا
ہم سنا کرتے تھے اکثر گرمیٔ محشر کا نام
اب جو دیکھا اک ستم گر آفتاب بام تھا
امتیاز عشق تھا پھر کیسے لا سکتا تھا تاب
حشر بس اس پر بپا تھا اس کا جلوہ عام تھا
عشق پر لازم تھا خود فرہاد کا سر توڑنا
پختگی کا اس کو دعویٰ اس کو سودا خام تھا
آپ تو مختار تھے جو دل نے چاہا وہ کیا
اور پھر الٹا مجھی پر حشر میں الزام تھا
مست ساقی کی نظر کی جنبشوں کو کیا کہوں
یعنی بے پردہ جواب گردش ایام تھا
میں نشیمن میں رہا صیاد کا یوں بھی اسیر
دل میں تھا میرے قفس آنکھوں میں میری دام تھا
نامہ بر کو جان دے دی اضطراب شوق میں
بس یہی نامہ مرا تھا بس یہی پیغام تھا
امتحان عشق اس نے کیوں لیا اے اہل عشق
پختہ کاروں کی طرف سے کیا خیال خام تھا
مجھ کو جب سے ہوش ہے لاکھوں طرح کے غم میں ہوں
ہوش میں جب تک نہ تھا مجھ کو بہت آرام تھا
کیا وفاؔ کی سرگزشت غم کہوں یادش بخیر
مر رہا تھا اور لب پر آپ ہی کا نام تھا