ये मेरे शहर का इक और हादिसा होगा
वो कल यहाँ मिरा मेहमान बन चुका होगा
तलाश में हूँ किसी की मैं कब से सरगर्दां
उसी तरह कोई मुझ को भी ढूँढता होगा
मिरी तरह से कोई चीख़ता है राहों में
मिरी तरह कोई दुनिया को देखता होगा
लगा के आएगा चेहरा कोई नया शब में
वो जिस को बैठ के दिन में तराशता होगा
शनासा चेहरे भी लगने लगे हैं बेगाने
अब अपना वक़्त ही शायद बदल रहा होगा
उदास उदास सा खोया हुआ सा रहता है
कुछ उस से भी कोई कह कर बदल गया होगा
थका थका सा उसी दर पे आ के बैठा था
न पूछा होगा किसी ने तो चल दिया होगा
जहाँ पहुँच के क़दम डगमगाए हैं सब के
उसी मक़ाम से अब अपना रास्ता होगा
ye mere shahr kā ik aur hādisa hogā
vo kal yahāñ mirā mehmān ban chukā hogā
talāsh meñ huuñ kisī kī maiñ kab se sargardāñ
usī tarah koī mujh ko bhī DhūñDhtā hogā
mirī tarah se koī chīḳhtā hai rāhoñ meñ
mirī tarah koī duniyā ko dekhtā hogā
lagā ke aa.egā chehra koī nayā shab meñ
vo jis ko baiTh ke din meñ tarāshtā hogā
shanāsā chehre bhī lagne lage haiñ begāne
ab apnā vaqt hī shāyad badal rahā hogā
udaas udaas sā khoyā huā sā rahtā hai
kuchh us se bhī koī kah kar badal gayā hogā
thakā thakā sā usī dar pe aa ke baiThā thā
na pūchhā hogā kisī ne to chal diyā hogā
jahāñ pahuñch ke qadam Dagmagā.e haiñ sab ke
usī maqām se ab apnā rāsta hogā
یہ میرے شہر کا اک اور حادثہ ہوگا
وہ کل یہاں مرا مہمان بن چکا ہوگا
تلاش میں ہوں کسی کی میں کب سے سرگرداں
اسی طرح کوئی مجھ کو بھی ڈھونڈھتا ہوگا
مری طرح سے کوئی چیختا ہے راہوں میں
مری طرح کوئی دنیا کو دیکھتا ہوگا
لگا کے آئے گا چہرہ کوئی نیا شب میں
وہ جس کو بیٹھ کے دن میں تراشتا ہوگا
شناسا چہرے بھی لگنے لگے ہیں بیگانے
اب اپنا وقت ہی شاید بدل رہا ہوگا
اداس اداس سا کھویا ہوا سا رہتا ہے
کچھ اس سے بھی کوئی کہہ کر بدل گیا ہوگا
تھکا تھکا سا اسی در پہ آ کے بیٹھا تھا
نہ پوچھا ہوگا کسی نے تو چل دیا ہوگا
جہاں پہنچ کے قدم ڈگمگائے ہیں سب کے
اسی مقام سے اب اپنا راستہ ہوگا