ये मर्तबा कोशिश से मयस्सर नहीं होता
हर फ़ातेह-ए-अय्याम सिकंदर नहीं होता
हर रोज़ नई जंग है हर रोज़ नई जेहद
कब अपने मुक़ाबिल कोई लश्कर नहीं होता
बे-सोचे हुए काम तो हो जाते हैं सारे
जो सोचते हैं हम वही अक्सर नहीं होता
हर पल वही वहशत है वही रक़्स-ए-सितम-नाक
किस लम्हा यहाँ फ़ित्ना-ए-महशर नहीं होता
आ लेते हैं जज़्बात को चुपके से किसी पल
उन हादसों का वक़्त मुक़र्रर नहीं होता
आवारा हैं इस आँख से उस आँख तलक ख़्वाब
जैसे कि मुसाफ़िर का कोई घर नहीं होता
ye martaba koshish se mayassar nahīñ hotā
har fāteh-e-ayyām sikandar nahīñ hotā
har roz na.ī jañg hai har roz na.ī jehd
kab apne muqābil koī lashkar nahīñ hotā
be-soche hue kaam to ho jaate haiñ saare
jo sochte haiñ ham vahī aksar nahīñ hotā
har pal vahī vahshat hai vahī raqs-e-sitam-nāk
kis lamha yahāñ fitna-e-mahshar nahīñ hotā
aa lete haiñ jazbāt ko chupke se kisī pal
un hādsoñ kā vaqt muqarrar nahīñ hotā
āvāra haiñ is aañkh se us aañkh talak ḳhvāb
jaise ki musāfir kā koī ghar nahīñ hotā
یہ مرتبہ کوشش سے میسر نہیں ہوتا
ہر فاتح ایام سکندر نہیں ہوتا
ہر روز نئی جنگ ہے ہر روز نئی جہد
کب اپنے مقابل کوئی لشکر نہیں ہوتا
بے سوچے ہوئے کام تو ہو جاتے ہیں سارے
جو سوچتے ہیں ہم وہی اکثر نہیں ہوتا
ہر پل وہی وحشت ہے وہی رقص ستم ناک
کس لمحہ یہاں فتنۂ محشر نہیں ہوتا
آ لیتے ہیں جذبات کو چپکے سے کسی پل
ان حادثوں کا وقت مقرر نہیں ہوتا
آوارہ ہیں اس آنکھ سے اس آنکھ تلک خواب
جیسے کہ مسافر کا کوئی گھر نہیں ہوتا