ये कैसे नुमू के सिलसिले हैं
शाख़ों पे गुलाब जल-बुझे हैं
फैली है सितम की आग हरसू
हर सम्त अलाव जल रहे हैं
हर आँख सवाल कर रही है
हर दिल में हज़ार वसवसे हैं
बरसी हैं बलाएँ आसमाँ से
धरती पे अज़ाब उग रहे हैं
महफ़ूज़ नहीं पनाह-गाहें
क्या अक़्ल-ए-रसा के मो'जिज़े हैं
बाज़ार लहू की वहशतों के
तहज़ीब के नाम पर सजे हैं
ग़ैरों पे है इंहिसार अपना
सोचें भी उधार माँगते हैं
सूरज भी है दस्तरस में लेकिन
हम रौशनी को तरस गए हैं
क्या जानिए अहद-ए-नौ कब आए
अब तक तो पुराने सिलसिले हैं
ye kaise numū ke silsile haiñ
shāḳhoñ pe gulāb jal-bujhe haiñ
phailī hai sitam kī aag harsū
har samt alaav jal rahe haiñ
har aañkh savāl kar rahī hai
har dil meñ hazār vasvase haiñ
barsī haiñ balā.eñ āsmāñ se
dhartī pe azaab ug rahe haiñ
mahfūz nahīñ panāh-gāheñ
kyā aql-e-rasā ke mo.ajize haiñ
bāzār lahū kī vahshatoñ ke
tahzīb ke naam par saje haiñ
ġhairoñ pe hai inhisār apnā
socheñ bhī udhār māñgte haiñ
sūraj bhī hai dastaras meñ lekin
ham raushnī ko taras ga.e haiñ
kyā jāniye ahd-e-nau kab aa.e
ab tak to purāne silsile haiñ
یہ کیسے نمو کے سلسلے ہیں
شاخوں پہ گلاب جل بجھے ہیں
پھیلی ہے ستم کی آگ ہرسو
ہر سمت الاؤ جل رہے ہیں
ہر آنکھ سوال کر رہی ہے
ہر دل میں ہزار وسوسے ہیں
برسی ہیں بلائیں آسماں سے
دھرتی پہ عذاب اگ رہے ہیں
محفوظ نہیں پناہ گاہیں
کیا عقل رسا کے معجزے ہیں
بازار لہو کی وحشتوں کے
تہذیب کے نام پر سجے ہیں
غیروں پہ ہے انحصار اپنا
سوچیں بھی ادھار مانگتے ہیں
سورج بھی ہے دسترس میں لیکن
ہم روشنی کو ترس گئے ہیں
کیا جانیے عہد نو کب آئے
اب تک تو پرانے سلسلے ہیں