ये हर्फ़ हर्फ़ के रुख़ पर ख़ुलूस का ग़ाज़ा
बिखर न जाए कहीं मेरे दिल का शीराज़ा
क़दम-क़दम पे जो मिलता है इक ग़म-ए-ताज़ा
हमारी दीदा-वरी का है ये भी ख़म्याज़ा
ख़ुश-आमदीद लिखा है तिरी जबीं पे मगर
मिरे लिए है अभी बंद दिल का दरवाज़ा
कभी ये वक़्फ़-ए-करम है कभी तग़ाफ़ुल-दोस्त
तिरी नज़र से हुआ तेरे दिल का अंदाज़ा
ये जब्र-ए-शौक़ समझते हैं हम उसे मा'सूम
फ़लक-मक़ाम है जिस के सितम का आवाज़ा
जो ग़म निहाँ है मिरे पर्दा-ए-तबस्सुम में
तुम्हारा काम नहीं ऐसे ग़म का अंदाज़ा
'उरूज' मेरी तरफ़ से है नज़्र-ए-अहल-ए-नज़र
वो इक ग़ज़ल कि मज़ामीन जिस के हैं ताज़ा
ye harf harf ke ruḳh par ḳhulūs kā ġhāza
bikhar na jaa.e kahīñ mere dil kā shīrāza
qadam-qadam pe jo miltā hai ik ġham-e-tāza
hamārī dīda-varī kā hai ye bhī ḳhamyāza
ḳhush-āmdīd likhā hai tirī jabīñ pe magar
mire liye hai abhī band dil kā darvāza
kabhī ye vaqf-e-karam hai kabhī taġhāful-dost
tirī nazar se huā tere dil kā andāza
ye jabr-e-shauq samajhte haiñ ham use mā'sūm
falak-maqām hai jis ke sitam kā āvāza
jo ġham nihāñ hai mire parda-e-tabassum meñ
tumhārā kaam nahīñ aise ġham kā andāza
'urūj' merī taraf se hai nazr-e-ahl-e-nazar
vo ik ġhazal ki mazāmīn jis ke haiñ taaza
یہ حرف حرف کے رخ پر خلوص کا غازہ
بکھر نہ جائے کہیں میرے دل کا شیرازہ
قدم قدم پہ جو ملتا ہے اک غم تازہ
ہماری دیدہ وری کا ہے یہ بھی خمیازہ
خوش آمدید لکھا ہے تری جبیں پہ مگر
مرے لیے ہے ابھی بند دل کا دروازہ
کبھی یہ وقف کرم ہے کبھی تغافل دوست
تری نظر سے ہوا تیرے دل کا اندازہ
یہ جبر شوق سمجھتے ہیں ہم اسے معصوم
فلک مقام ہے جس کے ستم کا آوازہ
جو غم نہاں ہے مرے پردۂ تبسم میں
تمہارا کام نہیں ایسے غم کا اندازہ
عروجؔ میری طرف سے ہے نذر اہل نظر
وہ اک غزل کہ مضامین جس کے ہیں تازہ