दिल ने ठोकर खा के समझा हादसा क्या चीज़ है
ग़म किसे कहते हैं दर्द-ए-ला-दवा क्या चीज़ है
महव-ए-हैरत हूँ ये दुनिया से जुदा क्या चीज़ है
आप का पैग़ाम बे-हर्फ़-ओ-सदा क्या चीज़ है
इस के मा'नी ख़ुद-पसंदी के सिवा कुछ भी नहीं
दिल में पैहम ख़्वाहिश-ए-दाद-ए-वफ़ा क्या चीज़ है
अब अँधेरा ही अँधेरा है उफ़ुक़-ता-ब-उफ़ुक़
इस हक़ीक़त में ख़िलाफ़-ए-माजरा क्या चीज़ है
कुफ़्र है ये सोचना भी कारोबार-ए-इश्क़ में
मुद्दआ' क्या शय है तर्क-ए-मुद्दआ क्या चीज़ है
सर है ज़ेब-ए-दार लेकिन लब तबस्सुम-आश्ना
हक़-नवाई पर मैं ख़ुश हूँ ये सज़ा क्या चीज़ है
कार-आराई-ए-सई-ए-शौक़ है पेश-ए-नज़र
वर्ना सोचो जुम्बिश-ए-पर्दा-कुशा क्या चीज़ है
हम रज़ा-ए-दोस्त में राज़ी हैं ये सच है तो फिर
देखना होगा कि दस्तूर-ए-दुआ क्या चीज़ है
रफ़्ता रफ़्ता तुम पे सब कुछ आइना हो जाएगा
क्या बताऊँ सई-ए-तर्क-ए-मुद्दआ' क्या चीज़ है
जल्वा-गाह-ए-नाज़ से उठना कोई आसाँ नहीं
पहले ये देखो यहाँ ज़ंजीर-ए-पा क्या चीज़ है
जिन की फ़ितरत ना-शनास-ए-ज़ौक़-ए-मोहकम है 'उरूज'
मैं उन्हें ये कैसे समझाऊँ वफ़ा क्या चीज़ है
dil ne Thokar khā ke samjhā hadisā kyā chiiz hai
ġham kise kahte haiñ dard-e-lā-davā kyā chiiz hai
mahv-e-hairat huuñ ye duniyā se judā kyā chiiz hai
aap kā paiġhām be-harf-o-sadā kyā chiiz hai
is ke ma.anī ḳhud-pasandī ke sivā kuchh bhī nahīñ
dil meñ paiham ḳhvāhish-e-dād-e-vafā kyā chiiz hai
ab añdherā hī añdherā hai ufuq-tā-ba-ufuq
is haqīqat meñ ḳhilāf-e-mājrā kyā chiiz hai
kufr hai ye sochnā bhī kārobār-e-ishq meñ
mudda.ā kyā shai hai tark-e-mudda.ā kyā chiiz hai
sar hai zeb-e-dār lekin lab tabassum-āshnā
haq-navā.ī par maiñ ḳhush huuñ ye sazā kyā chiiz hai
kār-ārā.ī-e-sa.ī-e-shauq hai pesh-e-nazar
varna socho jumbish-e-parda-kushā kyā chiiz hai
ham razā-e-dost meñ raazī haiñ ye sach hai to phir
dekhnā hogā ki dastūr-e-duā kyā chiiz hai
rafta rafta tum pe sab kuchh aa.ina ho jā.egā
kyā batā.ūñ sa.ī-e-tark-e-mudda.ā kyā chiiz hai
jalva-gāh-e-nāz se uThnā koī āsāñ nahīñ
pahle ye dekho yahāñ zanjīr-e-pā kyā chiiz hai
jin kī fitrat nā-shanās-e-zauq-e-mohkam hai 'urūj'
maiñ unheñ ye kaise samjhā.ūñ vafā kyā chiiz hai
دل نے ٹھوکر کھا کے سمجھا حادثا کیا چیز ہے
غم کسے کہتے ہیں درد لا دوا کیا چیز ہے
محو حیرت ہوں یہ دنیا سے جدا کیا چیز ہے
آپ کا پیغام بے حرف و صدا کیا چیز ہے
اس کے معنی خود پسندی کے سوا کچھ بھی نہیں
دل میں پیہم خواہش داد وفا کیا چیز ہے
اب اندھیرا ہی اندھیرا ہے افق تا بہ افق
اس حقیقت میں خلاف ماجرا کیا چیز ہے
کفر ہے یہ سوچنا بھی کاروبار عشق میں
مدعا کیا شے ہے ترک مدعا کیا چیز ہے
سر ہے زیب دار لیکن لب تبسم آشنا
حق نوائی پر میں خوش ہوں یہ سزا کیا چیز ہے
کار آرائی سعیٔ شوق ہے پیش نظر
ورنہ سوچو جنبش پردہ کشا کیا چیز ہے
ہم رضائے دوست میں راضی ہیں یہ سچ ہے تو پھر
دیکھنا ہوگا کہ دستور دعا کیا چیز ہے
رفتہ رفتہ تم پہ سب کچھ آئنہ ہو جائے گا
کیا بتاؤں سعیٔ ترک مدعا کیا چیز ہے
جلوہ گاہ ناز سے اٹھنا کوئی آساں نہیں
پہلے یہ دیکھو یہاں زنجیر پا کیا چیز ہے
جن کی فطرت ناشناس ذوق محکم ہے عروجؔ
میں انہیں یہ کیسے سمجھاؤں وفا کیا چیز ہے