ए'तिबार-ए-वा'दा-ए-ज़हमत की नादानी गई
आज तक जो दिल में थी वो कुफ़्र-सामानी गई
वक़्त के हमराह अपनी कैफ़-सामानी गई
देखते ही देखते आसाइश अर्ज़ानी गई
हुस्न-ए-बे-परवा को इन बातों से दिलचस्पी नहीं
कौन पूछे दर-ब-दर की ख़ाक क्यों छानी गई
आदमी बदनाम था लेकिन गुलों की ये रविश
हम समझते थे कि रस्म-ए-चाक-दामानी गई
दोस्तो पहचान की नज़रें ही शायद बुझ गईं
आश्ना-सूरत भी जब तुम से न पहचानी गई
अब तो मैं हूँ और अपना एहतिसाब-ओ-जाएज़ा
हर किताब-ए-ज़ीस्त की औराक़-गर्दानी गई
स'ई-ए-ज़ब्त-ए-ग़म के तुम हो इक निशान-ए-मो'तबर
सिर्फ़ इतनी बात पर चेहरे की वीरानी गई
दीदनी है सह्र-कारी-ए-हरीम-ए-काफ़िरी
कैसे कैसे पारसा की पाक-दामानी गई
क्या समझ कर तुम पशेमान-ए-शिकस्त-ए-'अह्द हो
शुक्र है तकलीफ़-ए-एहसास-ए-परेशानी गई
ऐ निगाह-ए-इल्तिफ़ात-ए-दोस्त ये क्या हो गया
जो मिरे शे'रों में थी वो शो'ला-सामानी गई
आज तक तो 'अर्ज़-ए-ग़म पर ज़ब्त के पहरे रहे
किस कमी से उस तवज्जोह की फ़रावानी गई
मेरे गिर्द-ओ-पेश था सौत-ओ-सदा का इक हुजूम
इस फ़ज़ा में भी मिरी आवाज़ पहचानी गई
धूप में तो हम थे लेकिन क़िस्मत-ए-अहल-ए-दुवल
जिस जगह हाजत न थी चादर वहाँ तानी गई
ऐ 'उरूज' अब 'आम है शिकवा 'अदम-तर्सील का
'मीर'-ओ-'मोमिन' के ज़माने की ग़ज़ल-ख़्वानी गई
e'tibār-e-vā'da-e-zahmat kī nādānī ga.ī
aaj tak jo dil meñ thī vo kufr-sāmānī ga.ī
vaqt ke hamrāh apnī kaif-sāmānī ga.ī
dekhte hī dekhte āsā.ish arzānī ga.ī
husn-e-be-parvā ko in bātoñ se dilchaspī nahīñ
kaun pūchhe dar-ba-dar kī ḳhaak kyoñ chhānī ga.ī
aadmī badnām thā lekin guloñ kī ye ravish
ham samajhte the ki rasm-e-chāk-dāmānī ga.ī
dosto pahchān kī nazreñ hī shāyad bujh ga.iiñ
āshnā-sūrat bhī jab tum se na pahchānī ga.ī
ab to maiñ huuñ aur apnā ehtisāb-o-jā.eza
har kitāb-e-zīst kī aurāq-gardānī ga.ī
sa'y-e-zabt-e-ġham ke tum ho ik nishān-e-mo'atabar
sirf itnī baat par chehre kī vīrānī ga.ī
dīdanī hai sehr-kārī-e-harīm-e-kāfirī
kaise kaise pārsā kī pāk-dāmānī ga.ī
kyā samajh kar tum pashemān-e-shikast-e-'ahd ho
shukr hai taklīf-e-ehsās-e-pareshānī ga.ī
ai nigāh-e-iltifāt-e-dost ye kyā ho gayā
jo mire she'roñ meñ thī vo sho'la-sāmānī ga.ī
aaj tak to 'arz-e-ġham par zabt ke pahre rahe
kis kamī se us tavajjoh kī farāvānī ga.ī
mere gird-o-pesh thā saut-o-sadā kā ik hujūm
is fazā meñ bhī mirī āvāz pahchānī ga.ī
dhuup meñ to ham the lekin qismat-e-ahl-e-duval
jis jagah hājat na thī chādar vahāñ taanī ga.ī
ai 'urūj' ab 'aam hai shikva 'adam-tarsīl kā
'mīr'-o-'momin' ke zamāne kī ġhazal-ḳhvānī ga.ī
اعتبار وعدۂ زحمت کی نادانی گئی
آج تک جو دل میں تھی وہ کفر سامانی گئی
وقت کے ہم راہ اپنی کیف سامانی گئی
دیکھتے ہی دیکھتے آسائش ارزانی گئی
حسن بے پروا کو ان باتوں سے دلچسپی نہیں
کون پوچھے دربدر کی خاک کیوں چھانی گئی
آدمی بدنام تھا لیکن گلوں کی یہ روش
ہم سمجھتے تھے کہ رسم چاک دامانی گئی
دوستو پہچان کی نظریں ہی شاید بجھ گئیں
آشنا صورت بھی جب تم سے نہ پہچانی گئی
اب تو میں ہوں اور اپنا احتساب و جائزہ
ہر کتاب زیست کی اوراق گردانی گئی
سعئ ضبط غم کے تم ہو اک نشان معتبر
صرف اتنی بات پر چہرے کی ویرانی گئی
دیدنی ہے سحر کاریٔ حریم کافری
کیسے کیسے پارسا کی پاک دامانی گئی
کیا سمجھ کر تم پشیمان شکست عہد ہو
شکر ہے تکلیف احساس پریشانی گئی
اے نگاہ التفات دوست یہ کیا ہو گیا
جو مرے شعروں میں تھی وہ شعلہ سامانی گئی
آج تک تو عرض غم پر ضبط کے پہرے رہے
کس کمی سے اس توجہ کی فراوانی گئی
میرے گرد و پیش تھا صوت و صدا کا اک ہجوم
اس فضا میں بھی مری آواز پہچانی گئی
دھوپ میں تو ہم تھے لیکن قسمت اہل دول
جس جگہ حاجت نہ تھی چادر وہاں تانی گئی
اے عروجؔ اب عام ہے شکوہ عدم ترسیل کا
میرؔ و مومنؔ کے زمانے کی غزل خوانی گئی