बे-नियाज़ी की इक शान बन जाइए
मुझ से दानिस्ता अंजान बन जाइए
शरह-ए-हस्ती का उन्वान बन जाइए
मेरा दीं मेरा ईमान बन जाइए
हाए ये बे-ख़ुदी और इस का मआल
अब ख़ुदी के निगहबान बन जाइए
नक़्द-ए-अहल-ए-जहाँ देखने के लिए
कुछ दिनों को परेशान बन जाइए
आदमी से फ़रिश्ता ये इम्काँ सही
आइए आप इंसान बन जाइए
क्या कमी है जो उन से गुज़ारिश करूँ
रंग-ओ-निकहत का तूफ़ान बन जाइए
मुहर-ए-तस्दीक़-ए-किरदार भी है कहीं
आप बनने को ज़ीशान बन जाइए
काएनात और फिर उस का अक्स-ए-जमाल
पेश-ए-आईना हैरान बन जाइए
आ’रिफ़ाना तजाहुल के क़ुर्बां 'उरूज'
फिर ज़रा आप अंजान बन जाइए
be-niyāzī kī ik shaan ban jā.iye
mujh se dānista anjān ban jā.iye
sharh-e-hastī kā unvān ban jā.iye
merā diiñ merā īmān ban jā.iye
haa.e ye be-ḳhudī aur is kā ma.aal
ab ḳhudī ke nigahbān ban jā.iye
naqd-e-ahl-e-jahāñ dekhne ke liye
kuchh dinoñ ko pareshān ban jā.iye
aadmī se farishta ye imkāñ sahī
aa.iye aap insān ban jā.iye
kyā kamī hai jo un se guzārish karūñ
rang-o-nik.hat kā tūfān ban jā.iye
muhr-e-tasdīq-e-kirdār bhī hai kahīñ
aap banñe ko zīshān ban jā.iye
kā.enāt aur phir us kā aks-e-jamāl
pesh-e-ā.īna hairān ban jā.iye
ā’rifāna tajāhul ke qurbāñ 'urūj'
phir zarā aap anjān ban jā.iye
بے نیازی کی اک شان بن جائیے
مجھ سے دانستہ انجان بن جائیے
شرح ہستی کا عنوان بن جائیے
میرا دیں میرا ایمان بن جائیے
ہائے یہ بے خودی اور اس کا مآل
اب خودی کے نگہبان بن جائیے
نقد اہل جہاں دیکھنے کے لیے
کچھ دنوں کو پریشان بن جائیے
آدمی سے فرشتہ یہ امکاں سہی
آئیے آپ انسان بن جائیے
کیا کمی ہے جو ان سے گزارش کروں
رنگ و نکہت کا طوفان بن جائیے
مہر تصدیق کردار بھی ہے کہیں
آپ بننے کو ذیشان بن جائیے
کائنات اور پھر اس کا عکس جمال
پیش آئینہ حیران بن جائیے
عارفانہ تجاہل کے قرباں عروجؔ
پھر ذرا آپ انجان بن جائیے