ये दिल फ़रेब-ए-तमन्ना में बे-क़रार किया
यही है जुर्म जिसे हम ने बार-बार किया
न हम ने सूद-ओ-ज़ियाँ देख कर मोहब्बत की
न नफ़रतों का कभी हम ने कारोबार किया
शिकस्ता-रूह सुलगती निगह दिल-ए-महजूर
न पूछ कैसे हर इक ज़ख़्म का शुमार किया
तिरे जमाल-ए-नज़र ने दिया फ़रेब हमें
उसी फ़रेब-ए-नज़र ने है अश्क-बार किया
नवा-ए-सुब्ह-ए-अज़ल तेरी चाह में हम ने
न पूछ दश्त-ए-ख़मोशाँ को कैसे पार किया
नज़र न आई हक़ीक़त मजाज़ की सूरत
निगाह-ए-शौक़ ने पैहम ये इंतिज़ार किया
गिरी थी बर्क़-ए-तजल्ली जो क़ल्ब पर मेरे
उसी ने राज़-ए-हक़ीक़त को आश्कार किया
सहर की आस में गुज़री 'सबा' ये उम्र तमाम
हरीम-ए-ज़ीस्त का ज़ुल्मत ने यूँ हिसार किया
ye dil fareb-e-tamannā meñ be-qarār kiyā
yahī hai jurm jise ham ne bār-bār kiyā
na ham ne sūd-o-ziyāñ dekh kar mohabbat kī
na nafratoñ kā kabhī ham ne kārobār kiyā
shikasta-rūh sulagtī nigah dil-e-mahjūr
na pūchh kaise har ik zaḳhm kā shumār kiyā
tire jamāl-e-nazar ne diyā fareb hameñ
usī fareb-e-nazar ne hai ashk-bār kiyā
navā-e-sub.h-e-azal terī chaah meñ ham ne
na pūchh dast-e-ḳhamoshāñ ko kaise paar kiyā
nazar na aa.ī haqīqat majāz kī sūrat
nigāh-e-shauq ne paiham ye intizār kiyā
girī thī barq-e-tajallī jo qalb par mere
usī ne rāz-e-haqīqat ko āshkār kiyā
sahar kī aas meñ guzrī 'sabā' ye umr tamām
harīm-e-zīst kā zulmat ne yuuñ hisār kiyā
یہ دل فریب تمنا میں بے قرار کیا
یہی ہے جرم جسے ہم نے بار بار کیا
نہ ہم نے سود و زیاں دیکھ کر محبت کی
نہ نفرتوں کا کبھی ہم نے کاروبار کیا
شکستہ روح سلگتی نگہ دل مہجور
نہ پوچھ کیسے ہر اک زخم کا شمار کیا
ترے جمال نظر نے دیا فریب ہمیں
اسی فریب نظر نے ہے اشک بار کیا
نوائے صبح ازل تیری چاہ میں ہم نے
نہ پوچھ دشت خموشاں کو کیسے پار کیا
نظر نہ آئی حقیقت مجاز کی صورت
نگاہ شوق نے پیہم یہ انتظار کیا
گری تھی برق تجلی جو قلب پر میرے
اسی نے راز حقیقت کو آشکار کیا
سحر کی آس میں گزری صباؔ یہ عمر تمام
حریم زیست کا ظلمت نے یوں حصار کیا