कभी सहर से कभी तीरगी से शिकवा है
कभी ख़ुदा से कभी आदमी से शिकवा है
ख़ुद अपनी ज़ात से जो आश्ना नहीं उस को
बस एक अपने सिवा हर किसी से शिकवा है
मजाज़ी इश्क़ किसी को सुकूँ नहीं देता
जिसे भी देखो उसे दिल-लगी से शिकवा है
वफ़ा इस अहद-ए-जफ़ा में है इक फ़रेब-ए-नज़र
बिसात-ए-वक़्त की जादूगरी से शिकवा है
करे जो खुल के अदावत नहीं है उस से गिला
मुनाफ़िक़त से भरी दोस्ती से शिकवा है
सुकून-ए-दिल तो मिला है नशात-ए-ज़ीस्त नहीं
क़लंदरों का यही आगही से शिकवा है
कोई अमल नहीं ऐसा ख़ुदा को पेश करूँ
'सबा' मुझे मिरी इस बंदगी से शिकवा है
kabhī sahar se kabhī tīrgī se shikva hai
kabhī ḳhudā se kabhī aadmī se shikva hai
ḳhud apnī zaat se jo āshnā nahīñ us ko
bas ek apne sivā har kisī se shikva hai
majāzī ishq kisī ko sukūñ nahīñ detā
jise bhī dekho use dil-lagī se shikva hai
vafā is ahd-e-jafā meñ hai ik fareb-e-nazar
bisāt-e-vaqt kī jādūgarī se shikva hai
kare jo khul ke adāvat nahīñ hai us se gila
munāfiqat se bharī dostī se shikva hai
sukūn-e-dil to milā hai nashāt-e-zīst nahīñ
qalandaroñ kā yahī āgahī se shikva hai
koī amal nahīñ aisā ḳhudā ko pesh karūñ
'sabā' mujhe mirī is bandagī se shikva hai
کبھی سحر سے کبھی تیرگی سے شکوہ ہے
کبھی خدا سے کبھی آدمی سے شکوہ ہے
خود اپنی ذات سے جو آشنا نہیں اس کو
بس ایک اپنے سوا ہر کسی سے شکوہ ہے
مجازی عشق کسی کو سکوں نہیں دیتا
جسے بھی دیکھو اسے دل لگی سے شکوہ ہے
وفا اس عہد جفا میں ہے اک فریب نظر
بساط وقت کی جادوگری سے شکوہ ہے
کرے جو کھل کے عداوت نہیں ہے اس سے گلہ
منافقت سے بھری دوستی سے شکوہ ہے
سکون دل تو ملا ہے نشاط زیست نہیں
قلندروں کا یہی آگہی سے شکوہ ہے
کوئی عمل نہیں ایسا خدا کو پیش کروں
صباؔ مجھے مری اس بندگی سے شکوہ ہے