ये और बात कि ये सेहर बेश-ओ-कम पे चला
सियाह-रात का जादू मगर न हम पे चला
उधर से पहले भी कुछ सरफ़रोश गुज़ारे थे
रह-ए-तलब में निशान-ए-क़दम क़दम पे चला
ये ताइरान-ए-चमन का नसीब क्या कहिए
वो तीर उन के लिए वक़्फ़ है जो कम पे चला
ख़ुदा ख़ुदा के इशारे पे लौट लौट गया
तड़प तड़प के तरीक़-ए-सनम सनम पे चला
कभी ख़ुदा की परस्तिश कभी सना-ए-बुताँ
रह-ए-अरब पे कभी जादा-ए-अजम पे चला
असीर-ए-दाम न होगा मिरा दिल-ए-आज़ाद
किसी का हुक्म कभी मौज-ए-यम-ब-यम पे चला
तुझे भी देख लिया हम ने ओ ख़ुदा-ए-अजल
कि तेरा ज़ोर चला भी तो अहल-ए-ग़म पे चला
ये नक़्श-ए-पा हैं कि ज़ंजीर-ए-मौज-ए-ख़ूँ यारो
ये कौन तुरफ़ा-जवाँ जादा-ए-सितम पे चला
लब-ओ-निगाह पे मोहरें लगी रहीं 'ताहिर'
किसी का ज़ोर न लेकिन मिरे क़लम पे चला
ye aur baat ki ye sehr besh-o-kam pe chalā
siyāh-rāt kā jaadū magar na ham pe chalā
udhar se pahle bhī kuchh sarfarosh guzāre the
rah-e-talab meñ nishān-e-qadam qadam pe chalā
ye tā.irān-e-chaman kā nasīb kyā kahiye
vo tiir un ke liye vaqf hai jo kam pe chalā
ḳhudā ḳhudā ke ishāre pe lauT lauT gayā
taḌap taḌap ke tarīq-e-sanam sanam pe chalā
kabhī ḳhudā kī parastish kabhī sanā-e-butāñ
rah-e-arab pe kabhī jāda-e-ajam pe chalā
asīr-e-dām na hogā mirā dil-e-āzād
kisī kā hukm kabhī mauj-e-yam-ba-yam pe chalā
tujhe bhī dekh liyā ham ne o ḳhudā-e-ajal
ki terā zor chalā bhī to ahl-e-ġham pe chalā
ye naqsh-e-pā haiñ ki zanjīr-e-mauj-e-ḳhūñ yaaro
ye kaun turfa-javāñ jāda-e-sitam pe chalā
lab-o-nigāh pe mohreñ lagī rahīñ 'tāhir'
kisī kā zor na lekin mire qalam pe chalā
یہ اور بات کہ یہ سحر بیش و کم پہ چلا
سیاہ رات کا جادو مگر نہ ہم پہ چلا
ادھر سے پہلے بھی کچھ سرفروش گزارے تھے
رہ طلب میں نشان قدم قدم پہ چلا
یہ طائران چمن کا نصیب کیا کہئے
وہ تیر ان کے لیے وقف ہے جو کم پہ چلا
خدا خدا کے اشارے پہ لوٹ لوٹ گیا
تڑپ تڑپ کے طریق صنم صنم پہ چلا
کبھی خدا کی پرستش کبھی ثنائے بتاں
رہ عرب پہ کبھی جادۂ عجم پہ چلا
اسیر دام نہ ہوگا مرا دل آزاد
کسی کا حکم کبھی موج یم بہ یم پہ چلا
تجھے بھی دیکھ لیا ہم نے او خدائے اجل
کہ تیرا زور چلا بھی تو اہل غم پہ چلا
یہ نقش پا ہیں کہ زنجیر موج خوں یارو
یہ کون طرفہ جواں جادۂ ستم پہ چلا
لب و نگاہ پہ مہریں لگی رہیں طاہرؔ
کسی کا زور نہ لیکن مرے قلم پہ چلا