कहने को तो क्या क्या न दिल-ए-ज़ार में आए
हर बात कहाँ क़ालिब-ए-इज़हार में आए
नज़दीक जो पहुँचे तो वो आहों का धुआँ था
कहने को तो हम साया-ए-दीवार में आए
हर मौजा-ए-ख़ूँ सर से गुज़र जाए तो अच्छा
हर फूल मिरे हल्क़ा-ए-दस्तार में आए
हम अपनी सलीबों की हिफ़ाज़त में खड़े हैं
अब जो भी शिकन गेसू-ए-दिल-दार में आए
पाँव में अगर तौक़-ओ-सलासिल हैं तो क्या ग़म
ऐ हम-सफ़रो फ़र्क़ न रफ़्तार में आए
इक उम्र भटकते हुए गुज़री है जुनूँ में
अब कौन फ़रेब-ए-निगह-ए-यार में आए
ऐ काश कभी उस का इधर से भी गुज़र हो
इक दिन तो सबा लौट के गुलज़ार में आए
जचते भी तो क्या चश्म-ए-ख़रीदार में 'ताहिर'
हम कौन से यूसुफ़ थे जो बाज़ार में आए
kahne ko to kyā kyā na dil-e-zār meñ aa.e
har baat kahāñ qālib-e-iz.hār meñ aa.e
nazdīk jo pahuñche to vo aahoñ kā dhuāñ thā
kahne ko to ham sāya-e-dīvār meñ aa.e
har mauja-e-ḳhūñ sar se guzar jaa.e to achchhā
har phuul mire halqa-e-dastār meñ aa.e
ham apnī salīboñ kī hifāzat meñ khaḌe haiñ
ab jo bhī shikan gesū-e-dil-dār meñ aa.e
paañv meñ agar tauq-o-salāsil haiñ to kyā ġham
ai ham-safaro farq na raftār meñ aa.e
ik umr bhaTakte hue guzrī hai junūñ meñ
ab kaun fareb-e-nigah-e-yār meñ aa.e
ai kaash kabhī us kā idhar se bhī guzar ho
ik din to sabā lauT ke gulzār meñ aa.e
jachte bhī to kyā chashm-e-ḳharīdār meñ 'tāhir'
ham kaun se yūsuf the jo bāzār meñ aa.e
کہنے کو تو کیا کیا نہ دل زار میں آئے
ہر بات کہاں قالب اظہار میں آئے
نزدیک جو پہنچے تو وہ آہوں کا دھواں تھا
کہنے کو تو ہم سایۂ دیوار میں آئے
ہر موجۂ خوں سر سے گزر جائے تو اچھا
ہر پھول مرے حلقۂ دستار میں آئے
ہم اپنی صلیبوں کی حفاظت میں کھڑے ہیں
اب جو بھی شکن گیسوئے دل دار میں آئے
پاؤں میں اگر طوق و سلاسل ہیں تو کیا غم
اے ہم سفرو فرق نہ رفتار میں آئے
اک عمر بھٹکتے ہوئے گزری ہے جنوں میں
اب کون فریب نگہ یار میں آئے
اے کاش کبھی اس کا ادھر سے بھی گزر ہو
اک دن تو صبا لوٹ کے گلزار میں آئے
جچتے بھی تو کیا چشم خریدار میں طاہرؔ
ہم کون سے یوسف تھے جو بازار میں آئے