ग़म-ए-दौराँ ग़म-ए-जानाँ ग़म-ए-जाँ है कि नहीं
दिल-सिताँ सिलसिला-ए-ग़म-ज़दगाँ है कि नहीं
हर नफ़स बज़्म-ए-गुलिस्ताँ में ग़ज़ल-ख़्वाँ था कभी
हर नफ़स नाला-कशाँ नौहा-कुनाँ है कि नहीं
हर नज़र नग़्मा-सरा अंजुमन-आरा थी कभी
हर नज़र हैरती-ए-रंग-ए-जहाँ है कि नहीं
हर ज़बाँ पर था कभी तज़किरा-ए-दौर-ए-बहार
हर ज़बाँ शिकवा-गर-ए-जौर-ए-ख़िज़ाँ है कि नहीं
मय-चकाँ बादा-निशाँ थे लब-ए-गुल-रंग कभी
लब-ए-गुल-रंग पे ज़ख़्मों का गुमाँ है कि नहीं
सुर्मा-ए-चश्म-ए-इनायत की हिकायत छोड़ो
आज हर आँख में आहों का धुआँ है कि नहीं
क़ाफ़िले जाने घटाओं के कहाँ उतरेंगे
हर ख़म-ए-ज़ुल्फ़ ब-हसरत-निगराँ है कि नहीं
दश्त-ए-वहशत से नहीं कम ये जहान-ए-गुल-ओ-बू
सूरत-ए-रेग-ए-रवाँ उम्र-ए-रवाँ है कि नहीं
नग़्मा-ए-बाद-ए-बहारी जिसे तुम कहते हो
जरस-ए-क़ाफ़िला-ए-गुल की फ़ुग़ाँ है कि नहीं
न तो बुलबुल की नवा है न सदा-ए-ताऊस
सेहन-ए-गुलज़ार में अब अम्न-ओ-अमाँ है कि नहीं
मुझ से क्या पूछते हो कौन यहाँ तक पहुँचा
सुर्ख़ी-ए-ख़ार-ए-बयाबाँ से अयाँ है कि नहीं
ज़िंदगी कुछ भी सही फिर भी बड़ी दौलत है
मौत सी शय भी यहाँ जिंस-ए-गिराँ है कि नहीं
सूरत-ए-लुत्फ़-ओ-करम ये हो तो दिल क्यूँ न जले
आग पत्थर के भी सीने में निहाँ है कि नहीं
ज़ुल्म चुप-चाप सहे जाओगे आख़िर कब तक
ऐ असीरान-ए-क़फ़स मुँह में ज़बाँ है कि नहीं
ये अदब-गाह-ए-मोहब्बत है जो चुप हूँ 'ताहिर'
वर्ना याँ कौन सा अंदाज़-ए-बयाँ है कि नहीं
ġham-e-daurāñ ġham-e-jānāñ ġham-e-jāñ hai ki nahīñ
dil-sitāñ silsila-e-ġham-zadagāñ hai ki nahīñ
har nafas bazm-e-gulistāñ meñ ġhazal-ḳhvāñ thā kabhī
har nafas nāla-kashāñ nauha-kunāñ hai ki nahīñ
har nazar naġhma-sarā anjuman-ārā thī kabhī
har nazar hairatī-e-rañg-e-jahāñ hai ki nahīñ
har zabāñ par thā kabhī tazkira-e-daur-e-bahār
har zabāñ shikva-gar-e-jaur-e-ḳhizāñ hai ki nahīñ
mai-chakāñ bāda-nishāñ the lab-e-gul-rañg kabhī
lab-e-gul-rañg pe zaḳhmoñ kā gumāñ hai ki nahīñ
surma-e-chashm-e-ināyat kī hikāyat chhoḌo
aaj har aañkh meñ aahoñ kā dhuāñ hai ki nahīñ
qāfile jaane ghaTāoñ ke kahāñ utreñge
har ḳham-e-zulf ba-hasrat-nigarāñ hai ki nahīñ
dasht-e-vahshat se nahīñ kam ye jahān-e-gul-o-bū
sūrat-e-reg-e-ravāñ umr-e-ravāñ hai ki nahīñ
naġhma-e-bād-e-bahāri jise tum kahte ho
jaras-e-qāfila-e-gul kī fuġhāñ hai ki nahīñ
na to bulbul kī navā hai na sadā-e-tā.ūs
sehn-e-gulzār meñ ab amn-o-amāñ hai ki nahīñ
mujh se kyā pūchhte ho kaun yahāñ tak pahuñchā
surḳhī-e-ḳhār-e-bayābāñ se ayaañ hai ki nahīñ
zindagī kuchh bhī sahī phir bhī baḌī daulat hai
maut sī shai bhī yahāñ jins-e-girāñ hai ki nahīñ
sūrat-e-lutf-o-karam ye ho to dil kyuuñ na jale
aag patthar ke bhī siine meñ nihāñ hai ki nahīñ
zulm chup-chāp sahe jāoge āḳhir kab tak
ai asīrān-e-qafas muñh meñ zabāñ hai ki nahīñ
ye adab-gāh-e-mohabbat hai jo chup huuñ 'tāhir'
varna yaañ kaun sā andāz-e-bayāñ hai ki nahīñ
غم دوراں غم جاناں غم جاں ہے کہ نہیں
دل ستاں سلسلۂ غم زدگاں ہے کہ نہیں
ہر نفس بزم گلستاں میں غزل خواں تھا کبھی
ہر نفس نالہ کشاں نوحہ کناں ہے کہ نہیں
ہر نظر نغمہ سرا انجمن آرا تھی کبھی
ہر نظر حیرتیٔ رنگ جہاں ہے کہ نہیں
ہر زباں پر تھا کبھی تذکرۂ دور بہار
ہر زباں شکوہ گر جور خزاں ہے کہ نہیں
مے چکاں بادہ نشاں تھے لب گل رنگ کبھی
لب گل رنگ پہ زخموں کا گماں ہے کہ نہیں
سرمۂ چشم عنایت کی حکایت چھوڑو
آج ہر آنکھ میں آہوں کا دھواں ہے کہ نہیں
قافلے جانے گھٹاؤں کے کہاں اتریں گے
ہر خم زلف بہ حسرت نگراں ہے کہ نہیں
دشت وحشت سے نہیں کم یہ جہان گل و بو
صورت ریگ رواں عمر رواں ہے کہ نہیں
نغمۂ باد بہاری جسے تم کہتے ہو
جرس قافلۂ گل کی فغاں ہے کہ نہیں
نہ تو بلبل کی نوا ہے نہ صدائے طاؤس
صحن گلزار میں اب امن و اماں ہے کہ نہیں
مجھ سے کیا پوچھتے ہو کون یہاں تک پہنچا
سرخیٔ خار بیاباں سے عیاں ہے کہ نہیں
زندگی کچھ بھی سہی پھر بھی بڑی دولت ہے
موت سی شے بھی یہاں جنس گراں ہے کہ نہیں
صورت لطف و کرم یہ ہو تو دل کیوں نہ جلے
آگ پتھر کے بھی سینے میں نہاں ہے کہ نہیں
ظلم چپ چاپ سہے جاؤ گے آخر کب تک
اے اسیران قفس منہ میں زباں ہے کہ نہیں
یہ ادب گاہ محبت ہے جو چپ ہوں طاہرؔ
ورنہ یاں کون سا انداز بیاں ہے کہ نہیں