ये अता भी है साक़ी वाह क्या निराली है
एक जाम छलका है एक जाम ख़ाली है
ज़ख़्म पत्ता पत्ता है दर्द डाली डाली है
ऐ मिरे चमन आख़िर कौन तेरा माली है
फिर तिरे हसीं वा'दे याद आ गए शायद
मैं ने आरज़ूओं की भीड़ फिर लगा ली है
क्या मिरी वफ़ाओं का अब लहू नहीं मिलता
तुम ने अपने हाथों में क्यूँ हिना लगा ली है
ऐ मिरी ग़ज़ल तेरे नाज़ कौन उठाएगा
अब न कोई 'ग़ालिब' है अब न कोई 'हाली' है
हर्फ़ हर्फ़ हीरा है लफ़्ज़ लफ़्ज़ मोती है
इन हसीन लोगों की बात ही निराली है
पाक-बाज़ रिंदों को और हम कहाँ ढूँढें
मस्जिदें भी सूनी हैं मय-कदा भी ख़ाली है
'राज़' ये ग़ज़ल अपनी इक हसीं का सदक़ा है
शे'र भी अनोखे हैं हैं तर्ज़ भी निराली है
ye atā bhī hai saaqī vaah kyā nirālī hai
ek jaam chhalkā hai ek jaam ḳhālī hai
zaḳhm patta patta hai dard Daalī Daalī hai
ai mire chaman āḳhir kaun terā maalī hai
phir tire hasīñ va.ade yaad aa ga.e shāyad
maiñ ne ārzūoñ kī bhiiḌ phir lagā lī hai
kyā mirī vafāoñ kā ab lahū nahīñ miltā
tum ne apne hāthoñ meñ kyuuñ hinā lagā lī hai
ai mirī ġhazal tere naaz kaun uThā.egā
ab na koī 'ġhālib' hai ab na koī 'hālī' hai
harf harf hiirā hai lafz lafz motī hai
in hasīn logoñ kī baat hī nirālī hai
pāk-bāz rindoñ ko aur ham kahāñ DhūñDheñ
masjideñ bhī suunī haiñ mai-kada bhī ḳhālī hai
'rāz' ye ġhazal apnī ik hasīñ kā sadqa hai
sher bhī anokhe haiñ haiñ tarz bhī nirālī hai
یہ عطا بھی ہے ساقی واہ کیا نرالی ہے
ایک جام چھلکا ہے ایک جام خالی ہے
زخم پتہ پتہ ہے درد ڈالی ڈالی ہے
اے مرے چمن آخر کون تیرا مالی ہے
پھر ترے حسیں وعدے یاد آ گئے شاید
میں نے آرزوؤں کی بھیڑ پھر لگا لی ہے
کیا مری وفاؤں کا اب لہو نہیں ملتا
تم نے اپنے ہاتھوں میں کیوں حنا لگا لی ہے
اے مری غزل تیرے ناز کون اٹھائے گا
اب نہ کوئی غالبؔ ہے اب نہ کوئی حالیؔ ہے
حرف حرف ہیرا ہے لفظ لفظ موتی ہے
ان حسین لوگوں کی بات ہی نرالی ہے
پاک باز رندوں کو اور ہم کہاں ڈھونڈھیں
مسجدیں بھی سونی ہیں مے کدہ بھی خالی ہے
رازؔ یہ غزل اپنی اک حسیں کا صدقہ ہے
شعر بھی انوکھے ہیں ہیں طرز بھی نرالی ہے