आशियाँ जल गया, गुल्सिताँ लुट गया, हम क़फ़स से निकल कर किधर जाएँगे
इतने मानूस सय्याद से हो गए, अब रिहाई मिलेगी तो मर जाएँगे
और कुछ दिन ये दस्तूर-ए-मय-ख़ाना है, तिश्ना-कामी के ये दिन गुज़र जाएँगे
मेरे साक़ी को नज़रें उठाने तो दो, जितने ख़ाली हैं सब जाम भर जाएँगे
ऐ नसीम-ए-सहर तुझ को उन की क़सम, उन से जा कर न कहना मिरा हाल-ए-ग़म
अपने मिटने का ग़म तो नहीं है मगर, डर ये है उन के गेसू बिखर जाएँगे
अश्क-ए-ग़म ले के आख़िर किधर जाएँ हम, आँसुओं की यहाँ कोई क़ीमत नहीं
आप ही अपना दामन बढ़ा दीजिए, वर्ना मोती ज़मीं पर बिखर जाएँगे
काले काले वो गेसू शिकन-दर-शिकन, वो तबस्सुम का आलम चमन-दर-चमन
खींच ली उन की तस्वीर दिल ने मिरे, अब वो दामन बचा कर किधर जाएँगे
āshiyāñ jal gayā, gulsitāñ luT gayā, ham qafas se nikal kar kidhar jā.eñge
itne mānūs sayyād se ho ga.e, ab rihā.ī milegī to mar jā.eñge
aur kuchh din ye dastūr-e-mai-ḳhāna hai, tishna-kāmī ke ye din guzar jā.eñge
mere saaqī ko nazreñ uThāne to do, jitne ḳhālī haiñ sab jaam bhar jā.eñge
ai nasīm-e-sahar tujh ko un kī qasam, un se jā kar na kahnā mirā hāl-e-ġham
apne miTne kā ġham to nahīñ hai magar, Dar ye hai un ke gesū bikhar jā.eñge
ashk-e-ġham le ke āḳhir kidhar jaa.eñ ham, āñsuoñ kī yahāñ koī qīmat nahīñ
aap hī apnā dāman baḌhā dījiye, varna motī zamīñ par bikhar jā.eñge
kaale kaale vo gesū shikan-dar-shikan, vo tabassum kā aalam chaman-dar-chaman
khīñch lī un kī tasvīr dil ne mire, ab vo dāman bachā kar kidhar jā.eñge
آشیاں جل گیا، گلستاں لٹ گیا، ہم قفس سے نکل کر کدھر جائیں گے
اتنے مانوس صیاد سے ہو گئے، اب رہائی ملے گی تو مر جائیں گے
اور کچھ دن یہ دستور مے خانہ ہے، تشنہ کامی کے یہ دن گزر جائیں گے
میرے ساقی کو نظریں اٹھانے تو دو، جتنے خالی ہیں سب جام بھر جائیں گے
اے نسیم سحر تجھ کو ان کی قسم، ان سے جا کر نہ کہنا مرا حال غم
اپنے مٹنے کا غم تو نہیں ہے مگر، ڈر یہ ہے ان کے گیسو بکھر جائیں گے
اشک غم لے کے آخر کدھر جائیں ہم، آنسوؤں کی یہاں کوئی قیمت نہیں
آپ ہی اپنا دامن بڑھا دیجیے، ورنہ موتی زمیں پر بکھر جائیں گے
کالے کالے وہ گیسو شکن در شکن، وہ تبسم کا عالم چمن در چمن
کھینچ لی ان کی تصویر دل نے مرے، اب وہ دامن بچا کر کدھر جائیں گے