यक़ीन जिस का है वो बात भी गुमाँ ही लगे
वो मेहरबान है लेकिन बला-ए-जाँ ही लगे
हम इतनी मर्तबा गुज़रे हैं आज़माइश से
वो सीधी बात भी पूछे तो इम्तिहाँ ही लगे
तरस गए हैं कि खुल कर किसी से बात करें
हर आश्ना हमें ग़ैरों का राज़दाँ ही लगे
हो जैसे कैफ़ियत-ए-दिल का आइना मंज़र
वो हम-सफ़र हो तो सहरा भी गुलसिताँ ही लगे
मैं जैसे मरकज़ी किरदार हूँ कहानी का
कोई फ़साना हो वो मेरी दास्ताँ ही लगे
तिरे ख़याल से निस्बत का अब ये 'आलम है
कहीं झुकाऊँ जबीं तेरा आस्ताँ ही लगे
मिरे वतन के सभी लोग चाँद-तारे हैं
ज़मीन उस की मुझे जैसे आसमाँ ही लगे
'सईद' बाद-ए-समाअ'त नवा-ए-मुतरिब है
ख़ुशी का गीत भी अब नग़्मा-ए-फुग़ाँ ही लगे
yaqīn jis kā hai vo baat bhī gumāñ hī lage
vo mehrbān hai lekin balā-e-jāñ hī lage
ham itnī martaba guzre haiñ āzmā.ish se
vo sīdhī baat bhī pūchhe to imtihāñ hī lage
taras ga.e haiñ ki khul kar kisī se baat kareñ
har āshnā hameñ ġhairoñ kā rāzdāñ hī lage
ho jaise kaifiyat-e-dil kā aa.ina manzar
vo ham-safar ho to sahrā bhī gulsitāñ hī lage
maiñ jaise markazī kirdār huuñ kahānī kā
koī fasāna ho vo merī dāstāñ hī lage
tire ḳhayāl se nisbat kā ab ye 'ālam hai
kahīñ jhukā.ūñ jabīñ terā āstāñ hī lage
mire vatan ke sabhī log chāñd-tāre haiñ
zamīn us kī mujhe jaise āsmāñ hī lage
'sa.īd' bād-e-samā.at navā-e-mutrib hai
ḳhushī kā giit bhī ab naġhma-e-fuġhāñ hī lage
یقین جس کا ہے وہ بات بھی گماں ہی لگے
وہ مہربان ہے لیکن بلائے جاں ہی لگے
ہم اتنی مرتبہ گزرے ہیں آزمائش سے
وہ سیدھی بات بھی پوچھے تو امتحاں ہی لگے
ترس گئے ہیں کہ کھل کر کسی سے بات کریں
ہر آشنا ہمیں غیروں کا راز داں ہی لگے
ہو جیسے کیفیت دل کا آئنہ منظر
وہ ہم سفر ہو تو صحرا بھی گلستاں ہی لگے
میں جیسے مرکزی کردار ہوں کہانی کا
کوئی فسانہ ہو وہ میری داستاں ہی لگے
ترے خیال سے نسبت کا اب یہ عالم ہے
کہیں جھکاؤں جبیں تیرا آستاں ہی لگے
مرے وطن کے سبھی لوگ چاند تارے ہیں
زمین اس کی مجھے جیسے آسماں ہی لگے
سعیدؔ باد سماعت نوائے مطرب ہے
خوشی کا گیت بھی اب نغمۂ فغاں ہی لگے