सहर का नूर है तारों का इनइ'कास नहीं
फ़रेब-ख़ुर्दा हो तुम या ज़िया-शनास नहीं
जबीन-ए-सुब्ह पे तहरीर है ये ख़त्त-ए-जली
नए निज़ाम में तफ़रीक़-ए-आम-ओ-ख़ास नहीं
ये किस वसूक़ से अनवार-ए-सुब्ह कहते हैं
नई हयात से कोई भी वज्ह-ए-यास नहीं
ये और बात है दिल ख़ून हो गया ग़म से
नज़र में आप की अब भी कोई उदास नहीं
वो और होंगे जिन्हें ज़िंदगी के ऐश मिले
यहाँ तो एक तबस्सुम भी हम को रास नहीं
फ़रेब-ओ-किज़्ब दरिया से मैं बे-तअल्लुक़ हूँ
ब-जुज़ ख़ुलूस-ओ-वफ़ा कुछ भी मेरे पास नहीं
'सईद' दोस्त मिले हैं मुझे कुछ ऐसे भी
कि जिन को मेहर-ओ-मोहब्बत का कोई पास नहीं
sahar kā nuur hai tāroñ kā in.ikās nahīñ
fareb-ḳhurda ho tum yā ziyā-shanās nahīñ
jabīn-e-sub.h pe tahrīr hai ye ḳhatt-e-jalī
na.e nizām meñ tafrīq-e-ām-o-ḳhās nahīñ
ye kis vasūq se anvār-e-sub.h kahte haiñ
na.ī hayāt se koī bhī vaj.h-e-yās nahīñ
ye aur baat hai dil ḳhuun ho gayā ġham se
nazar meñ aap kī ab bhī koī udaas nahīñ
vo aur hoñge jinheñ zindagī ke aish mile
yahāñ to ek tabassum bhī ham ko raas nahīñ
fareb-o-kizb dariyā se maiñ be-ta.alluq huuñ
ba-juz ḳhulūs-o-vafā kuchh bhī mere paas nahīñ
'sa.īd' dost mile haiñ mujhe kuchh aise bhī
ki jin ko mehr-o-mohabbat kā koī paas nahīñ
سحر کا نور ہے تاروں کا انعکاس نہیں
فریب خوردہ ہو تم یا ضیا شناس نہیں
جبین صبح پہ تحریر ہے یہ خط جلی
نئے نظام میں تفریق عام و خاص نہیں
یہ کس وثوق سے انوار صبح کہتے ہیں
نئی حیات سے کوئی بھی وجہ یاس نہیں
یہ اور بات ہے دل خون ہو گیا غم سے
نظر میں آپ کی اب بھی کوئی اداس نہیں
وہ اور ہوں گے جنہیں زندگی کے عیش ملے
یہاں تو ایک تبسم بھی ہم کو راس نہیں
فریب و کذب دریا سے میں بے تعلق ہوں
بجز خلوص و وفا کچھ بھی میرے پاس نہیں
سعیدؔ دوست ملے ہیں مجھے کچھ ایسے بھی
کہ جن کو مہر و محبت کا کوئی پاس نہیں