थम गए अश्क भी बरसे हुए बादल की तरह
दिल की बेताबी वही आज भी है कल की तरह
मैं भी हूँ अश्क-फ़िशाँ आप अकेले ही नहीं
मेरा दामन भी है नम आप के आँचल की तरह
जाम-ओ-साग़र ही पे मौक़ूफ़ नहीं है साक़ी
हम भी गर्दिश में हैं इक दौर-ए-मुसलसल की तरह
इंतिज़ार-ए-शब-ए-वा'दा की न पूछो रूदाद
रात आँखों में कटी है किसी बेकल की तरह
किसी उम्मीद का मस्कन न तमन्ना का महल
दिल की वीरानी है सुनसान से जंगल की तरह
आप जल जाए मगर औरों को महज़ूज़ करे
ज़िंदगी तुम भी गुज़ारो यूँ ही संदल की तरह
तेरे जलने से अगर तीरगी कम हो ऐ दिल
तू भी जल जा किसी जलती हुई मशअ'ल की तरह
लाशें बिखरी हैं तमन्नाओं की अरमानों की
क़ल्ब का गंज-ए-शहीदाँ भी है मक़्तल की तरह
tham ga.e ashk bhī barse hue bādal kī tarah
dil kī betābī vahī aaj bhī hai kal kī tarah
maiñ bhī huuñ ashk-fishāñ aap akele hī nahīñ
merā dāman bhī hai nam aap ke āñchal kī tarah
jām-o-sāġhar hī pe mauqūf nahīñ hai saaqī
ham bhī gardish meñ haiñ ik daur-e-musalsal kī tarah
intizār-e-shab-e-va.ada kī na pūchho rūdād
raat āñkhoñ meñ kaTī hai kisī bekal kī tarah
kisī ummīd kā maskan na tamannā kā mahal
dil kī vīrānī hai sunsān se jañgal kī tarah
aap jal jaa.e magar auroñ ko mahzūz kare
zindagī tum bhī guzāro yuuñ hī sandal kī tarah
tere jalne se agar tīrgī kam ho ai dil
tū bhī jal jā kisī jaltī huī mash.al kī tarah
lāsheñ bikhrī haiñ tamannāoñ kī armānoñ kī
qalb kā ganj-e-shahīdāñ bhī hai maqtal kī tarah
تھم گئے اشک بھی برسے ہوئے بادل کی طرح
دل کی بیتابی وہی آج بھی ہے کل کی طرح
میں بھی ہوں اشک فشاں آپ اکیلے ہی نہیں
میرا دامن بھی ہے نم آپ کے آنچل کی طرح
جام و ساغر ہی پہ موقوف نہیں ہے ساقی
ہم بھی گردش میں ہیں اک دور مسلسل کی طرح
انتظار شب وعدہ کی نہ پوچھو روداد
رات آنکھوں میں کٹی ہے کسی بیکل کی طرح
کسی امید کا مسکن نہ تمنا کا محل
دل کی ویرانی ہے سنسان سے جنگل کی طرح
آپ جل جائے مگر اوروں کو محظوظ کرے
زندگی تم بھی گزارو یوں ہی صندل کی طرح
تیرے جلنے سے اگر تیرگی کم ہو اے دل
تو بھی جل جا کسی جلتی ہوئی مشعل کی طرح
لاشیں بکھری ہیں تمناؤں کی ارمانوں کی
قلب کا گنج شہیداں بھی ہے مقتل کی طرح