यार से अब के गर मिलूँ 'ताबाँ'
तो फिर उस से जुदा न हूँ 'ताबाँ'
या भरे अब के उस से दिल मेरा
इश्क़ का नाम फिर न लूँ 'ताबाँ'
मुझ से बीमार है मिरा ज़ालिम
ये सितम किस तरह सहूँ 'ताबाँ'
आज आया है यार घर मेरे
ये ख़ुशी किस से मैं कहूँ 'ताबाँ'
मैं तो बेज़ार उस से हूँ लेकिन
दिल के हाथों से क्या करूँ 'ताबाँ'
वो तो सुनता नहीं किसी की बात
उस से मैं हाल क्या कहूँ 'ताबाँ'
ब'अद मुद्दत के माह-रू आया
क्यूँ न उस के गले लगूँ 'ताबाँ'
yaar se ab ke gar milūñ 'tābāñ'
to phir us se judā na huuñ 'tābāñ'
yā bhare ab ke us se dil merā
ishq kā naam phir na luuñ 'tābāñ'
mujh se bīmār hai mirā zālim
ye sitam kis tarah sahūñ 'tābāñ'
aaj aayā hai yaar ghar mere
ye ḳhushī kis se maiñ kahūñ 'tābāñ'
maiñ to bezār us se huuñ lekin
dil ke hāthoñ se kyā karūñ 'tābāñ'
vo to suntā nahīñ kisī kī baat
us se maiñ haal kyā kahūñ 'tābāñ'
ba.ad muddat ke māh-rū aayā
kyuuñ na us ke gale lagūñ 'tābāñ'
یار سے اب کے گر ملوں تاباںؔ
تو پھر اس سے جدا نہ ہوں تاباںؔ
یا بھرے اب کے اس سے دل میرا
عشق کا نام پھر نہ لوں تاباںؔ
مجھ سے بیمار ہے مرا ظالم
یہ ستم کس طرح سہوں تاباںؔ
آج آیا ہے یار گھر میرے
یہ خوشی کس سے میں کہوں تاباںؔ
میں تو بیزار اس سے ہوں لیکن
دل کے ہاتھوں سے کیا کروں تاباںؔ
وہ تو سنتا نہیں کسی کی بات
اس سے میں حال کیا کہوں تاباںؔ
بعد مدت کے ماہرو آیا
کیوں نہ اس کے گلے لگوں تاباںؔ